قدري

اسكربت كامل
اللهم صل وسلم على نبينا محمد وعلى آله وصحبه أجمعين بعدد كل شيئ وملئ كل شئ
________________
حسابك ٢٢٠ يامي.
بصتله وبصيت لاخويا بزهول علي عكس ضحكته البارده وهو بيقول
فيفتي فيفتي.
أخويا دفع المبلغ كامل في وسط صمته التام.
مهانش علي حتي يعزم بالكدب ويقولي لا خلي.
أنا لو بنقي من باسكت ژبالة مش هطلع راجل كدا.
بس مكانش لي لزوم تدفعوا الحساب كامل يامي.
أنسه مي ياجلده.
استغرب وكان هيرد لكني قاطعته
أبويا دايما يقولي الراجل ألي يخلي ست تمد أيدها في جيبها وهي معاه يبقي نطع.
ضحكت بستفزاز
تيجي بكره تاخد شبكتك يانطع.
مشيت وأخويا فطسان من الضحك.
ثواني هو أنتو فكرتوا هنخرج من غير محرم! أخص.
منكرش إني كنت مشدوده لي لما أتقدم شاب شكله وسيم شغله كويس مسؤال عن نفسه لذالك وافقت قولت أدي لنفسي فرصة.
لكن الفرصة دي خلتني أشوف نتانه مش أكتر ياخواتي.
يجيلي أيد وراه وأيد قدام كل زيارة ياعم مش بقولك هات هداية مش بقولك تجبلي علبة حلويات بسعر خوزعبلي لكن تدخل لبيت أهل خطيبتك أيدك فاضيه إيه دا!!!
دا غير إنه فاصل في سعر الشبكة ألي هو كان محدده قدامي وقدام أهله وأهلي.
ولأننا مكملناش ٧شهور خطوبة ختامها كانت العزومة ألي المفروض عازمني عليها.
لكن كان عايزها فيفتي فيفتي حبيب ماما.
ألي هيشوف إني بنت مادية وفيها إيه ما ممكن يبقي بيوفر الفلوس لجل الجواز.
هسألك سؤال واحد بس... أنت دماغك سوية
أصل واحد لسه علي البر وبيقولي فيفتي فيفتي! دا لما يتقفل علينا باب واحد مش هيشغلني ويقولي بالنص في مصاريف البيت دا ميقعدش من الشغل ويقولي أصرفي أنت
خلينا واقعين الراجل ألي ميقدرش يفتح بيت ويتكفل بكل مصاريفه يخلي زي ما هو لحد ما يقدر يعمل كدا.
والبخيل دا أنيل دا معاناه ليكي ليس إلا
أصله مش هيبقي بخيل في فلوسه ويطلع عينك وعين ولاده معاه وبسلا دا هيبقي بخيل في حبه ومشاعره وتقديره
بمعني أصح مايتعاشرش.
خلاصة التجربة إني آختارت بسطحية أنا عمري ما شوفته طلع حاجه لله أو عمل أي خير قدامي.
ولأني أهملت الجانب الديني أستاهل النتيجه.
____________
قولتيله أنت نطع بجد
هو أنا كذبت