شقة المصيف بقلم اسلام القحطاني

كنت قاعد في يوم انا واصحابي علي القهوة والخنقه كانت ماليا الكل الكل مخڼوق بسبب ضغوطات الحياة اتكلم محمد وهوا بيقول پخنقه.
ايه يا شباب ما تاجي نخرج انا مخڼوق الصراحة.
ومين سمعك يا محمد انا كمان مخڼوق وعايز اسم هواء .
فعلا والله يا شادي لازم نخرج علي الاقل نخلي محمد يفصل من مود الخطوبة اللي بالظت دي .
طيب هنروح فين يا محمد !
ايه رايكم نروح اسكندريه نقعد هناك 4 ايام .
والله فكره حلوه بس هنجيب شقه منين يا ابو العريف!.
متشغلش بالك يا ادهم انا فاكر أن احنا لينا شقه هناك بس هيا مقفوله بقالها أكثر من سنتين هنروح ننظفها ونقعد فيها .
طيب تمام هنسافر أمتي بقي !
بكره الصبح ولا ايه رايك يا محمد !.
اشطا يا شادي الصبح نتحرك أن شاءالله.
مشينا من علي القهوة واحنا مقررين أن الصبح هنمشي وصلت البيت وبدأت اني أحضر الشنطه وفعلا خلصت كانت الساعة وقتها 2 بليل دخلت علشان انام شويه قبل السفر بس الغريب بقي اني حلمت بكابوس مرعب انا حلمت اني في شقه مهجورة وكان في خيالات بتتحرك حوليا فوقت من النوم علي صوت رنت تليفوني كان محمد اللي بيرن كنسلت لاني عارف ان محمد كده هوا وشادي تحت .
قمت غسلت وشي ولبست واخدت الشنطه ونزلت وفعلا كانوا تحت اتكلم محمد وهوا بيقول ليا كل دا تأخير يا زفت رديت عليه وانا بتاوب وبقول معلش هوا احنا مش هنفطر ولا ايه .
لا هنفطر يا ادهم باشا .
ضحكنا كلنا وبدانا نتحرك في اتجاه عم عماد ملك الفول قعدنا وفطرنا فطار ملوكي من بعدها بدأنا نتحرك في اتجاه الموقف وركبنا وبعد ساعتين كنا في اسكندريه الشقه كانت في مكان تحس أنه مطرف عن البحر خالص وصلنا الشقه وفتح محمد ألباب ودخلنا الشقه .
الشقه كانت عباره عن غرفتين وصاله ومطبخ وحمام وكانت مفروشه بس الغريب بقي أن الشقه مليانه تراب كثيفة بس مش دا الغريب الغريب أن في آثار أقدام شكلها غريب اقدام ليها مخالب ضخمه اتسمرت في مكاني من الړعب بس شادي بدأ يحاول يولع الإضاءة بس كانت كل اللمبات محروقه اتكلم شادي وهوا بيقول انا هنزل اجيب لمبات للشقه وجي .
نزل شادي علشان اقعد انا ومحمد ننظف في الشقه وبعد عشرة دقائق رجع شادي وكان جايب كل حاجه وفعلا نورنا الشقه وقعدنا ننظف أكثر وعلي الساعة 5 المغرب كانت الشقه رجعت نظيفه اتكلم محمد وهوا بيقول .
يا نهار أخيرا خلصت انا هنزل اجيب غذاء حد ياجي معايا .
لا انا هدخل انام شويه .
استنا يا محمد انا جي معاك .
نزل محمد وشادي وانا دخلت انام شويه لاني كنت حاسس بتعب شديد اول ما دخلت الغرفه علشان انام شفت قدامي حاجه غريبه انا شفت السرير كان نازل لتحت شويه كان في حد نايم علي السرير بس في لحظه اختفي كل حاجه دخلت انام علشان احلم وقتها بكابوس مرعب .
انا حلمت اني كنت نايم عادي وبدأ يخرج من تحت السرير دخان كثيف كان بيخنق فيا وفجأة سمعت صوت الابواب بتخبط بقوه وسمعت جمله واحده بتترد في البيت كله ارحل أنه منزلنا ارحل ليس مرحب بك وفجأة وحده بدأ الدخان يتشكل في هيئة مخلوق غريب كان مخلوق مرعب وضخم قرب من وجهي علشان اشوف ملامح وشه المرعبه عنيه السوداء وفمه