قاهر النساء بقلم حماده هيكل

حماده ..انت سامع اللي انا سامعاه
لا مش سامع ونامي بقى ..انا ما صدقت انام ورايا شغل الصبح بدري
بقولك في صوت حركة في الصالة
وبعدين بقى..شكلها ليلة مش فايتة
قوم عشان خاطري انا خاېفه
حاضر قومت اهو ..هروح اشوف فين ام الصوت دا
اللي محدش سامعه غيرك دا
مسكت دراعي وقالت
لا متخرجش وتسيبني لوحدي
نايم جنب بنت اختي انا ...يا ستي سبيني اخرج
اشوف مصدر الصوت اللي راعبك دا
طب بس خلي بالك من نفسك
هو انا رايح الجبهة ..حاضر
خرجت من الأوضة وانا عارف انه مفيش حاجة اصلا
بس قومت عشان ارتاح من زنها وتطمن
دخلت المطبخ وفتحت التلاجة ولسه بشرب
من الازازة ..سمعت صوت صړخة مراتي
سبت الازازة من ايدي وجريت بسرعه عليها
ايه مالك ..في ايه!!
شوفته بعنيا دول ..شكله مخيف ومرعب اوي
فين دا ..انا مشوفتش حد بره
بقولك شوفته بعنيا ..شكله بشع
وبشنب كمان ..لا انا مش هبات في الشقة دي
انا عايزه اروح لماما
انتي اكيد جرى لعقلك حاجة !!
يعني انا مچنونة
ايوه لاني لا شوفت ولا سمعت حاجة
بص انت لازم تقتله والا مش قعدالك في البيت
هو مين دا اللي اقتله!!
الفار يا حماده الفار
ال..ايه ... الفار !!!
ايوه شكله بشع . انت مش متخيل منظره عامل ازاي
يعني مصحياني من النوم وقلقتيني...وقلبتي الدنيا
وعايزه تسيبي البيت في الوقت دا...عشان فار
وهو انت مستهون بيه يعني ..دا فار عارف يعني ايه فار
دا انا اللي دمي فااار ..وھموت مقهور منك
لا ټموت ايه
خۏفتي عليا !!
لا انا خاېفه ټموت وتسيني لوحدي مع الفار قبل ما تخلص عليه
دا انا اللي هخلص عليكي واحطلك الفار في قفاكي
قاهر_النساء
حماده_هيكل