اسكربت تزوجت طفلة كامل بقلم اسماء عبدالهادي

اسكربت ١ لمي
تزوجت طفلة
سامر كان بيكلم ادهم في المكتب
يا ابني بلاش اللي ناوي تعمله دا
ادهم بعدم فهم بلاش ايه بالظبط مش فاهم
سامر اختي وانا عارفها هبلة حد يتجوز واحدة هبلة
ادهم معلش هعقلها انا بطريقتي متقلقش انت
سامر ومش بس هبلة دي طفلة بس طفلة كبيرة وتصرفاتها عبيطة
ادهم ايوة عارف انا النوع دا اللي هي الطيابة بهبل عادي هتأقلم عليها
سامر يا ابني راجع نفسك هتندم وابقا افتكر اني قولتلك بلاش
ادهم ف ايه يا عم انت محسسني ان اللي انا جاي اتقدملها دي مش اختك
سامر ماهي علشان اختي بقولك الحقيقة ومش بكدب عليك
ادهم لا انا بحب نور زي ما هي كدا ومبسوط بيها كدا
سامر هز كتافه وقال انت حر بس افتكر اني حذرتك مترجعش ټندم بقا
وبالفعل تم جواز ادهم ونور
وفي يوم الفرح
وبعد ما المعازيم مشيت
وقفت نور في وسط الصالة بحزن
فأدهم قال حبيبتي مالك مكشرة ليه بس افرحي دا الليلة ليلتك
نور ادهم انا حزينة اوي اوي
ادهم مد ايده وحاوطها بحنان
من ايه يا روحي بس انا عارف انه صعب عليكي تسيبي اهلك وبيتك والناس اللي متعودة عليهم بس اوعدك اني هكون ليكي كل حاجة ومش هحسسك بالغربة أبدا
نور لا يا حبيبي مش دا المهم دلوقتي
ادهم اومال زعلانة ليه يا حبيبتي
نور هيفيد في ايه ما خلاص كل حاجة راحت
ادهم هي ايه اللي راحت أنا مش فاهم حاجة
شدته من ايده وقعدته وقالت
بص انا لازم افهمك علشان انت الكبير هنا ولازم تتصرف مش انت الكبير بردو يا ادهم
ادهم مكانش فاهم حاجة لكنه قال اه الكبير بس فهميني يا بنتي مالك فيكي ايه وايه اللي خلاكي تقلبي كدا ما انتي كنتي ف الفرح مزقططة والفرح مش سايعاكي
نور بزعل اه بس عيني كانت هتطلع ع البوفيه وف الاخر اكتشف انك بخيل يا ادهم ومأكلتنيش وانا كان نفسي في الأكل اوي
ادهم مكانش مصدق نفسه وانخرط ف نوبة ضحك
لا مش ممكن دا بجد ولا انتي بتهزري صح قولي انك بتهزري يا نور
نور بزعل انت بتستهزأ بيا يا ادهم كل دا علشان جعانة لا أنا زعلانة منك ولا يمكن اقعد معاك تاني ابدا يلا رجعني لبابا وهو هيأكلني مش بيحرمني من حاجة أبدا
قالتها وقامت وقفت
شد ايدها وقال يا مچنونة اقعدي انتي عاملة الفيلم دا كله علشان الأكل
نور الله يعني يكون فرحي ومأكلش منه دا انا منتظرة يوم فرحي بالذات علشان البوفيه
ادهم ليه يا طفسة هو مفيش اكل ف العالم غير في يوم فرحك
نور مليش فيه انت ضيعت عليا فرحتي
ادهم واللي يرجعلك فرحتك دي تاني ويجيبلك الأكل اللي انتي عايزاه لحد عندك
نور بفرحة حقيقي يا ادهم
ادهم بحب حقيقي يا عيون ادهم كل أكل البوفيه موجود منه في المطبخ طبعا
نور بجد يا ادهم
ادهم طبعا ودي تيجي نسيب عروستنا الجميلة جعانة كدا ميصحش طبعا
نور من فرحتها حضنت ادهم وقالت ادهم انا بحبك اوي اوي
وجريت بسرعا ع المطبخ وقعدت ع الترابيزة وبدأت تأكل باستمتاع
ادهم دخل وراها ولما شافها قاعدة ومستربعة ع الترابيزة من فوق تنح
ايه دا انتي بتعنلي ايه
نور ايه باكل جعانة انت مش قلت الاكل دا ليا
ادهم ايوة هناكل مع بعض بس اصبري ع الأكل تغيري الفستان دا
نور لا انا لسه مفرحتش بالفستان ايه جايباه علشان البسه ساعة واقلعه لا طبعا
ادهم لا فعلا مينفعش انتي هتنامي بيه مش كدا
نور طبعا يا حبيبي دا مدفوع فيه شىء وشويات فلازم الفستان يعمل بحقه
ادهم نور يا حبيبتي بطلي هزارك دا ويلا غيري هدومك علشان تعرفي تاكلي وانزلي اقعدي ع الكرسي زي الناس الطبيعية
نور ليه يا ادهم انت جايبي هنا علشان تقيد حريتي ولا ايه
ادهم لا وع ايه اعملي اللي يريحك انا رايح اخد شاور واغير البدلة دي
ولما خلص ادهم ورجعلها المطبخ تاني لقاها بټعيط
فقال ياربي مالك بټعيطي ليه
نور بدموع علشان الاكل وقع مني ع الفستان وبقا زي ما انت شايف كدا عااا فستان فرحي
ادهم انا قلتلك غيريه وانتي مسمعتيش الكلام
نور لا مليش دعوة اتصرف بقولك دا فستان فرحي
ادهم طب خلاص ولا يهمك هبعته يتنضف متشيليش هم
نور فرحت بجد يا ادهومتي
ادهم بجد يا روحي المهم مش عايز اشوفك زعلانة
نور لا خلاص مش زعلانة انا هروح اغير الفستان وراجعالك مش هتأخر
ادهم تمام خدي راحتك
وبعد شوية جتله نور وهي بټعيط
ادهم ايه تاني
نور مش عارفة افك رباط الفستان حاولت كتير معرفتش
ادهم ودي مشكلة تستدعي انك ټعيطي تعالي انا هفكه ليكي
نور ادهم هو انا عبيطة
ادهم ليه بتقولي كدا
نوؤ اصلي اتصلت بصاحبتي قلتلها تعالي فوكيلي رباط الفستان لاني مش عارفة افكه قالتلي انتي عبيطة وقفلت السكة ف وشي تصور
ادهم ضحك وقال ههه هي عملت كدا
نور تصور يا ادهم دي صاحبة عمري مكنتش اتوقع تعمل دا ابدا
ادهم قرب منها وقال حبيبة قلبي انسى انك تستعيني بحد غيري انا هنا ليكي انتي وبس يعني كل اللي
تحتاجيه اطلبيه مني وبس
نور كل حاجة كل حاجة
ادهم كل حاجة كل حاجة
نور طب انا عايزة شوكولاتة
ادهم بوكس شوكولاتة بحاله لأحلى نور ف الدنيا
__
وبعد ٣ شهور جواز
ادهم دخل الاوضة اللي نور نايمة فيها وفتح النور وزعق نوووووور
نور قامت بخضة ايه ف ايه يا ادهم فزعتني واول ما شافت القميص ف ايده
بلعت ريقها پخوف وقال
ااا بص استنى يا ادهم انا هفهمك والله كل حاجة
ادهم عايز تفسير للي بيحصل دا يا نور
نور ااا انا معملتش حاجة دا هو اللي وقع لوحده ف الطبق اللي فيه الكلور
ادهم اه يعني القميص بتاعي اللي هنزل بيع الشغل النهاردة وقع لوحده ف طبق الكلور مش انتي اللي وقعتيه
نور ابدا دا هو اللي وقع
ادهم والتي شيرت الأحمر بتاعي بردو نط هو كمان ف طبق الكلور
نور بادعاء العته
اه تقريبا مكانش عاجبه لونه فحب يغير اه تغير بردو علشان الملل
ادهم زعق نور انتي بتهرجي
نور بړعب اا طب انت بتزعق ليه طا هدي نفسك بس
ادهم هو انتي خليتي فيا عقل جننتيني بعاميلك دي
نور ااا فدايا كم قميص يا ادهم مش كدا معلش بقا
ادهم ياريتها جت ع كم قميص دا تقريبا كل هدومي يا هانم بالمنظر دا اسمعي اياني اشوف الكلور ف شقتي تاني مفهوم
نور پخوف ححاضر حاضر
ادهم اتفضلي يلا حضريلي الفطار لحد ما اتنيل اشوف اي قميص زي الناس البسه
نور يووه حاضر كنت الخدامة الفيليبنبة بتاعتك وانا مش عارفة
واتحركت نور من قدامه فمسكها من قفاها
قولتي ايه سمعيني تاني
نور مقلتش انا رايحة اهو
ادهم استنى هنا
نور ايه تاني
ادهم ايه اللي انتي لابساه دا
نور ايه هدوم تصور
ادهم لا بجد هدوم تصدقي مكنتش واخد بالي
نور ايه عايز ايه مش فاهماك
ادهم التي شيرت اللي انتي لابساه دا بتاع مين
نور ببراءة
ايه بتاعك عادي يعني
ادهم انتي شايفه انه عادي
نور متبقاش بخيل كدا يا ادهم فيها ايه لنا البس من هدومك
ادهم قصدك لما البس كل هدومك منك لله يا نور هدومي اما مستولية عليها ولابساها لاما مبوظاها من الكلور
نور عادي ولا يهمك هات اللي باظ امسح بيه البلاط
ادهم انتي بتهزري يا