اسكريبت ل مي مجدي

يقبض على يدها حسابك معايا بعدين على ال حصل دا .
والله ..
ششش مش وقته اتفضلى.
مالك قلبتى وشك ليه
حسن هيروقنى بعد العزومه ما تخلص ربنا يستر
عشان ضحكتى بصوت عالى يعنى
لا مش بس كدا عشان محمد هزر معايا و ضربنى كف على ايدى
محمد مش عايز يجيبها لبر معرفش ليه
ربنا يستر بس
حسن يبقى ابن عمى ظابط جيش ومن شهر كان كتب كتابنا وحاليا بنجهز فى ترتيبات الفرح النهارده بقا كانت عزومه كل شهر بتاع جدو لينا كلنا والحقيقة أن انا هزرت مع محمد ابن عمتى هزار جامد والحقيقة بردو انى ممكن اتطلق النهارده وربنا يستر
بعد العزومه
يلاهووووى بيرن !!
ردى وخلاص يا عليا ما انتى كدا كدا هتردى
انا خاېفه ..
هههه افتحى الاسبكير بالله
ياستى اتلهى انا طالعه .
مبترديش ليه إن شاء الله!!!
ما انا رديت اهو
ايوا كنتى فين يعنى من اول ما رنيت
كنت عند آيه فى الاوضه وعلى ما رحت اوضتى
انتى فى أوضتك يعنى دلوقتى نتحاسب
ها !!
اى ال حصل دا بقا
انا كنت بهزر عادى و..
نعم !!!عادى ! الهزار ال هزرتيه دا اسمه عادى
يا حسن والله مكنش قصدى كدا
علياء ! ورحمه امى لو ال حصل دا حصل تانى مش هرحمك. تمام
تكتم دموعها حاضر
اقفلى ..
قالك اى
بس يا آيه بقا
طب خلاص انتى هتعيطى هى اول مره يهزقك يعنى
آيه بس بقا
احسن ! عشان تبقى تهزرى وتضحكى اوى دى ضحكه رقاصين دى ال ضحكتيها دا الواد كان بره جه على صوتك يا شيخه. وانتى عارفه انه مبيطقش محمد عشان كان عايزك.
ماشى ما هو زعقلى وخلصنا
صالحيه بقا
مش مصالحه حد .
اليوم التالى
انتى فين
فى الكليه
مرنتيش عليا الصبح ليه اما صحيتى
عادى
ماشى وحشتينى
شكرا
اوعى تكونى زعلانه ولا حاجه !
حسن انا بخاف منك بجد بطل طريقتك دى
ال هى اى طريقتى
معرفش الأسلوب دا بيخوفنى منك وخلاص انت زعقتلى امبارح وانا قلتلك مش هعمل كدا تانى
انتى متقدريش تعملى كدا تانى اصلا !!
ماشى ال تشوفه
كل خڼاقه لازم تقفلها بذكاء وتقلبها عليا نفسى اعرف استفذها مره وتتخانق معايا واشوفها مټعصبه
اى ال اشوفه دى يعنى ! انتى شايفه انك تقدرى
لا يا حسن مقدرش ولو اقدر مش هعمل كدا تانى . كدا كويس
لا مش كويس
طب اعملك اى تانى
آخر يوم فى اجازتى بكره عايز نخرج
انا عندى كويز ومش هينفع
ماشى براحتك لو رحت الشغل بقا ومرجعتش اعرفى إن ذنبى فى رقبتك
ياااربى!! ارحمنى حرام عليك والله كفايه القلق ال ببقى فيه
اجى بكره يعنى اقعد معاكى شويه
ماشى يا حسن
اليوم التالى
وحشتينى
تنظر له ولا تجيب
ينظر الجهه الأخرى وبعدين بقا!
تشرب اى
هشرب اى وانتى مكشره كدا يعنى !
واضحك على اى على إنك كل شويه تزعلنى!
مش انتى ال بتغلطى!
حسن ! من بعد كتب الكتاب وانت بقيت صعب وانا بقيت اخاڤ منك اوى
لا ثوانى عشان انتى قلتى الكلمه دى امبارح بردو وانا عديتها! اى بتخافى منى دى يا عليا!
بقيت تزعقلى كتير وبقيت اخاڤ
يمسك يدها ويقبلها اولا انا لما بزعقلك بيبقى ڠصب