ينقل من البيت بسبب طليقته

قلت لمراتي إننا مش هننقل عشان اللي كنت خاطبها اشترت بيت قريب مننا

أنا ومراتي متجوزين بقالنا 3 سنين وكنا مرتبطين قبلها 3 سنين كمان.

من سنتين اشترينا بيت في منطقة كويسة جدًا.

تمن البيت كان مبلغ كبير علينا لكن البيت كان يستاهل والمنطقة اللي عايشين فيها هادية جدًا ومريحة.

الأسبوع اللي فات وأنا ومراتي كنا ماشيين في الجنينة فقابلت اللي كانت خطيبتي بالصدفة.

كنت مصډوم لأني مشفتهاش ولا كلمتها بقالنا سنين طويلة.

وعشان أوضح الصورة، أنا واللي كانت خطيبتي كنا مرتبطين طول فترة الثانوي والجامعة، يعني تقريبًا 9 سنين.

كنا جد جدًا في موضوع الجواز لكن في الآخر غيرنا رأينا واتفقنا ننفصل.

والانفصال ده كان أسوأ حاجة حصلتلي في حياتي وخدت وقت طويل وعلاج نفسي عشان أتجاوزه لكن في النهاية اتخطيت الموضوع وخلص بالنسبالي.

لما شفتها صدفة، إحنا الاتنين اتفاجئنا واتكلمنا شوية عن أخبارنا.

هي قالت إنها اشترت بيت في نفس المكان اللي عايشين فيه من كام شهر بمساعدة أهلها وكانت لطيفه جدًا مع مراتي كمان والكلام كان قصير وكانت دردشة بسيطة وخلاص.

بس لما رجعنا البيت مراتي كانت في حالة هستيرية.

بدأت تقول إن ده تصرف مقصود من اللي كانت خطيبتي وإنها اختارت تشتري بيت قريب مننا وهي قاصدة.

وقالت كمان إنها لاحظت إن اللي كانت خطيبتي وشها كان محمر بشكل واضح وهي بتكلمني كأنها بتكلم حد بتحبه.

فأنا قلتلها تهدي شوية وتبطل أڤوره وإن الموضوع صدفة بحتة مش أكتر.

تاني يوم مراتي فتحت الموضوع تاني وبتسأل لو إننا ممكن ننقل من البيت.

فأنا قلتلها إن مفيش حاجه اسمها إننا ننقل خصوصًا بعد كل التعب اللي تعبناه عشان ننقل هنا.

ووضحتلها إنها محتاجة تهدى وتوقف توترها اللي ملوش أي لازمه ده.

فانتو ايه رأيكم؟