سيدة الكتاب ل اسلام احمد
كنت قاعد علي كرسي الانتريه وراجع بضهري لورا في ايدي كوباية الشاي بالنعناع وفي ايدي التانية الكتاب اللي بذاكر منه وفي اللحظة دي التليفون بتاعي رن لما بصيت في التليفون لقيت اللي بيرن نجيب صحبي فتحت عليه وانا بقول ايوه جيبوا دا كان اسم الدلع اللي بناديه بيه نجيب اتكلم وقال هقولك علي حاجة لقيتها وانت كنت بتدور عليها من زمان فكرت شوية وبعدين قولتله حاجة ايه دي ! نجيب رد وقال فكر شوية قولتله بعصبية اخلص بقي يا عم نجيب وقولي لقيت ايه ! نجيب اتكلم وقال الكتاب قولتله الكتاب ! .. كتاب ايه ده ! رد وقال كتاب شمس المعارف يا ايوب الجملة خلتني قومت بضهري من علي كرسي الانتريه وانا بقول لنجيب انت بتتكلم بجد طيب فين هو معاك نجيب رد وقال اتقل يا عم ايوب كده الموضوع مش سهل قولتله ازاي ! رد وقال يعني الكتاب حاليا مش معايا قولتله امال ايه ! رد وقال الكتاب موجود جوا صندوق مقفول عليه بقفل والصندوق موجود في القبو القديم بتاع جدي بس المفاتيح مع جدتي قولتله يعني الكتاب دا كان عند جدك ! طيب انت عرفت ازاي ان الكتاب دا موجود في القبو وجوا صندوق ! نجيب رد وقال من جدتي كانت بتحكيلنا ووقع بلسانها قدامنا وهي بتحكيلنا ولما سألتها عن الكتاب دا موجود دلوقتي ! جدتي اتوترت وقالت لا لا مش موجود وانسي الحكاية دي خالص جدتي قفلت الحكاية خالص وقالت قوموا ناموا هنا فهمت ان الكتاب لسه موجود قولت لنجيب يعني هتعرف تجيب الكتاب امتي ! نجيب رد وقال انا لقيت مفاتيح جدتي واقعة اخدتها ومستني لما تنام وان شاء الله خير نجيب قفل معايا وانا دماغي في الكتاب والحماس زاد جوايا عن اللي في الكتاب دا ونفسي اعرف بيعمل ايه ! الليلة كله مش قادر انام من تفكيري وحماسي للكتاب الصبح رحت الجامعة وكنت بتدور علي نجيب بس مكنتش لاقيه ! كنت متعصب وبقول لنفسي دا انا منتمش يا نجيب بسببك عشان تجبلي الكتاب وفي اللحظة دي لقيت نجيب داخل من باب الجامعة وجاي عليا قربت انا وقولتله ها جبت الكتاب نجيب رد وقال اه جبته معايا جوا الشنطة دي بس استني واحنا مروحين عشان مش هينفع نخرجه هنا قولت لنجيب تمام ماشي وبالفعل خرجنا ونجيب اداني الشنطة اللي فيها الكتاب وقال بس بالله عليك يا ايوب ترجع ليا الكتاب بسرعة عشان ارجعوا مكانه من غير ما حد يحس دا جدتي هتعمل مشكلة لو عرفت رديت وقولتله حاضر خلاص يا نجيب هرجعوا علي طول متقلقش اخدت الكتاب و روحت البيت مكانش في حد في البيت امي وابويا مكانوش موجودين لكن اختي بسمة كانت موجودة متكلمتش معاها ودخلت علي اوضتي كانت واقفة بتبص ناحيتي باستغراب اني متكلمتش خالص معاها دخلت الاوضة بتعتي وقعدت علي السرير وفتحت الشنطة وخرجت الكتاب الكتاب كان قديم بس الغلاف بتاعه كان متين وشديد جدا كان مكتوب علي شمس المعارف الكبري وكان مكتوب تحت كلمة شمس المعارف كلام بس بخط صغير شوية كان مكتوب كلمات كتبها ابناء ابليس الجملة شجعتني اكتر اني افتح الكتاب علي اول صفحة قريت اول صفحة وتاني صفحة و في تالت صفحة كان فيها رموز وتعاويذ ومعني الرموز دي في الصفحتين اللي قريتهم انها كلمات العهد والاستدعاء قولت
