فكرة مۏت بقلم حماده هيكل

الفترة الأخيرة بقيت بحس بتعب وأرهاق والم شديد في جسمي كله .. بقيت بشوف تهيؤات ..خيال أسود
ملازمني في كل مكان .. ملوش ملامح ولا عارف أميز شكله
محدش شايفه غيري ..بس انا واثق أنه موجود
وحاسس اني عارفه كويس ..مش خاېف منه لأ
بس مش متقبل وجوده ..حاجة جوايا بتقولي لازم تتجاهله
رغم ان احساسي بيقولي انه أقرب حد ليا
الموضوع بقى بيأثر عليا في حياتي كلها ..في البيت في الشغل وانا باكل وانا نايم ..لدرجة أن اللي حوليا ابتدوا يشكوا في قوايا العقلية ..ودا لأني بكون قاعد معاهم عادي
وفجأة الخيال دا يظهر ..تلاقيني ركزت معاه وخصوصا لما يتحرك في جميع الاتجاهات ..انا بس اللي شايفه ومحدش غيري شايفه ..الكل اعتقد اني مچنون
مع الوقت قررت أني اتجاهل وجوده ..لان الموضوع زاد عن حده ..وصديقي المقرب قالي ..انت ايه اللي بتعمله دا
وليه بتبص يمين وشمال على الفراغ فجأة ..انت كويس
حاولت أشرح له اللي بيحصل ..لكن مكنش مقتنع اساسا بالي بقوله .. وكمان الخيال دا لا بيظهر بشكل واضح
ولا بيكلمني ..هو بس بيظهر ويعرفني انه موجود وبس
لكن أيه هدفه وليه انا بالذات !..دا اللي مش لاقي له اجابة
مراتي اتكلمت معايا في الموضوع وقالت أن بنتنا الصغيرة
أبتدت تخاف مني وبتقولها بابا دايما سرحان_وبيبص ع الحيطه كتير .. ايه الموضوع
سبتها ونزلت وخرجت أتمشى لوحدي ..كنت حاسس اني بقيت مچنون..الخيال دا لو فضل يظهر لي بالشكل دا
انا هتجنن فعلا وممكن يجرالي حاجة
فضلت ماشي لمسافة طويلة وبعدها حسيت بأرهاق
كنت معدي على كوبري مهجور ..وقفت عليه شوية
وطلعت علبة سجاير وجيت اۏلع بالولاعه ..رفضت
حاولت أكتر من مره ..مفيش فايدة ..حدفتها في المايه
وبعدها لقيت ايد اتمدت لي بولاعه قربت منها وولعت السجارة
متشكر جدا..
الكلام وقف في حلقي لما لقيت الخيال دا واقف جنب مني
حسيت برعشه والسجارة وقعت مني
أنت ..انت اللي قلبت حالي الفترة الأخيرة
وسبب كل المشاكل اللي بتحصلي
شوف أختصارا للكلام ..انت عليك دين قديم
ولازم تسدده والا حياتك هتتحول لچحيم
وظهوري ليك دا مجرد البداية وبس
دين انا ..انا مش مديون لحد
مشكلتكم يا بني ادم النسيان ..دايما بتنسوا
نسيان ايه ..انا مش فاهم انت بتتكلم عن ايه
فاكر خطيبتك وحب عمرك اللي كنت ناوي تتجوزها
ايوه طبعا ..الله يرحمها
هي ليها دين في رقبتك انت لسه مسددتوش
دين ايه
انتوا مش كان المفترض انكم هتتجوزا
قبل الحاډثه بأسبوع
ايه بس محصلش نصيب وعملنا حاډثه بالتكسي اللي كنا راكبينه وبعدها انا دخلت في غيبوبة لمدة 10 ايام
ولما فوقت عرفت انها ماټت
طب مانت فاكر كل حاجه اهو
طبعا انا لا يمكن انساها ..هي كانت حب حياتي
لا نسيتها وبدليل انك اتجوزت بعدها وخلفت والحياة مشيت
انت مين وعايز مني ايه بالظبط
انا مرسال منها
حبيت ابلغك سلامها وانها لسه في انتظارك ..عشان ټوفي بوعدك ليها ..وتتجوزوا
نتجوز !!! دا أزاي يعني
الموضوع بسيط ..كل