فكرة مۏت بقلم حماده هيكل

المطلوب منك تتخلى عن حياتك
وبكدا هتقدر تتجوزها بسهولة
لكن انا بحب مراتي ومقدرش استغنى عن بنتي
ولازم تفهم أن الي حصلها دا كان قدر يعني
انا مليش ذنب فيه
يابني فوق وبطل الأوهام اللي انت عايش فيها دي
انتوا الاتنين مش عايشين ..خلاص موتوا وشبعتوا مۏت
انت أكيد اټجننت
تعالى معايا وانا هثبتلك مين فينا المچنون
مسكني الخيال دا من إيدي ومشي بيا لغاية ما وصلنا
لشريط السكة الحديد ..فضلنا واقفين عليه
وبعدها ظهر القطر من بعيد..وهو بيجري بكل سرعته
وانا بحاول افلت منه ..وهو ماسكني بقوة غير عادية
عجزت ساعتها عن الحركة والقطر بيقرب وبيقرب
صړخت بصوت عالي وغمضت عيوني ..ومحصلش حاجه
القطر عدا من خلالنا وكأننا هوا ..سراب في الطريق
حطيت ايدي على جسمي وانا مش مصدق اني لسه سليم
ومحصليش حاجة
قعدت على القضبان وانا بعيط ومش فاهم في ايه
طبطب على كتفي وقالي
دي الحقيقة اللي انت بتهرب منها من سنين انت وخطيبتك موتوا في نفس الحاډثه ..بس عقلك رفض تقبل حقيقة موتك
ورسمت قصة وسيناريو ..مختلف تماما ..وهو انك فوقت من الغيبوبة وخطيبتك ماټت وانك بعدها اتجوزت وخلفت وعشت حياتك وهي عشان بتحبك ..رفضت انها تسيبك او تتخلى عنك طول السنين دي ومفقدتش الأمل لحظة وحده
أيوه انا فعلا كنت غلطان بس عايز اعرف انت مين
وازاي عرفت التفاصيل دي كلها !!
أنت كل دا ومعرفتش لسه انا مين
أنا ..أنت ..كنت في صراع معاك دايما عشان تتقبل حقيقة
وضعك الحالي وانك تدرك بأنك مېت مش حي
ولأن الصراع دا مكنش ينفع تخوضه لوحدك
انا كنت معاك فيه لحظة بلحظة عشان ترتاح
وتريحني معاك بأكتشافك الحقيقة وتسليمك
لفكرة موتك
فكرة مۏت
تمت
حماده هيكل