اسكريبت بقلم ايمان صالح

لسه هقوله مبسلمش لقيت اياد مد أيده و سلم عليه
_منجلكش في حاجه وحشه
_هههه اي يا عم هو انا جاي عزاء ..سيبني اسلم عليها
ابتسم بسماجه_بس ايمان مبتسلمش يا خفيف
_والله بجد مكنتش اعرف
_واديك عرفت يلا يا بابا
_ماشي اعم انا نازل يلا هات مراتك وانا راكب العربيه عقبال ما تيجوا ورايا خلينا نلحق نروح بيتنا
_ماشي يلا انزل يا اخويا
ياسين نزل وانا و اياد سلمنا علي ماما و بابا و تيتا و نزلنا ورا ...نزل اياد وفتح الباب عشان يركب جنب ياسين اي ده هو مش المفروض انه يركب جنبي !!
_اي يا عم رايح فين
_هركب
_تركب فين !روح اركب جنب مراتك !!
_مراتي !لي بقي !
_هو اي اللي لي يبني !انت عريس روح اركب
_ماشي لما نشوف اخرتها
جه ركب جنبي وانا مكسوفه شويه ...فضل طول الطريق مبيتكلمش قطع سكوتنا صوت ياسين
_علي كده يا ايمان كليتك حلوه
_يعني كويسه
_يعني مرتاحه فيها
_اها ..انا بحب القراءه عشان كده اختارت اداب لغه عربيه
_بس العربي صعب اووي
_هو متعب شويه بس بحبه جدا
_ربنا يوفقك
_وانت كمان
كان اياد قاعد طول الطريق ساكت باصص قدام شويه و مبيكلمنش ...هو غريب كده ازاي
وصلنا البيت و دخلت الشقه ..كانت مريحه جيت فيها لما كنت صغيره وهي خالتي عايشه بس لما ماټت مجتش غير مره واحده واحنا بنجيب اياد و ياسين يقعدوا معانا بدل ما يقعدوا لوحدهم ..خرجت من شرودي علي صوت ياسين
_ايمااان ...ايمااااان
_هه بتقول حاجه يا ياسين
_انتي مش هنا خالص ...يبنتي بكلمك
_اسفه ما اخدتش بالي بتقول اي
_بقولك ادخلي اوضتك لحد ما اجبلكم الاكل ...اياد دخل
_لا استني انا هعمله
_لا خليكي النهارده كده كده الايام جايه كتير ..ادخلي انتي ورا جوزك بس
_م ماشي
دخلت الاوضه ورا ..هو مش المفروض ندخل مع بعض !ولا ده في الروايات اللي بقراها بس ..
دخلت لقيته واقف و باصص من الشباك
_احم اياد انا
_ادخلي الحمام غيري هدومك لحد ما ياسين يجيب الاكل
اخيرا سمعت صوته !فعلا خدت هدومي وانا متوتره جدا و خدت شور و طلعت لبست العبايه و خمار عشان ياسين هيجيب الاكل ...طلعت وانا متوتره لبست نضارتي و طلعت قعدت كان اياد واقف وبيبصلي و بعدها بعد راسه و طلع فتح الباب ل ياسين و خد الاكل و قفل الباب بعدها .
_يلا تعالي كلي
كنت مستغربه من طريقته ..هو اها احنا مش متجوزين عن حب بس علي الاقل يكون طريقته حلوه شويه و خصوصا أن إحنا أول يوم جوزنا !!!
_انت مش هتاكل!
_لا انا عندي شغل ..اقعدي انتي وانا هطلع اعمل شغل بره
_شغل !اوكي
طلع وانا بعدت الصينيه و فضلت قاعده !هو المفروض انا اعمل اي دلوقتي !..هو ازاي طلع و سابني هو في اي ..يمكن مش واخد عليا ..عشان كده
اياد طلع و قعد في البلكونه و ماسك لوحه بيرسم فيها ..بعد شويه سابها و تعب من التفكير وراح نام علي اقرب كنبه !
إيمان كنت قاعده في الاوضه مستنيه و مش عارفه اعمل اي ...بعد شويه لقيت نفسي نمت
في نص الليل ياسين كان طالع لقي اياد نائم علي الكنبه قرب منه وهو مستغرب جدا
_اياد اياد اياااد
_اي في اي
_انت نايم كده لي يا عم
_هه مفيش حاجه
_انت سايب مراتك و نايم هنا لي
_لا مفيش يا اخي ..راحت عليا نومه
_طيب ادخل يا اخويا ادخل
دخل اياد و لقي ايمان نايمه علي الكنبه ..بص عليها و اتنهد وراح وراح قرب منها و شالها و حطها علي السرير ...و دخل خد شور و رجع نام علي