تمرد عاشقه ياسمين هجرس

لعائلة الخولى والابن الوحيد ل
يوسف و سلوى
_____________
تقدمت سلوى

من علا ويرتسم على وجهها ابتسامة سمجة وهي تشاهدهم من بعيد وقالت
لا أنا رأيي تروحي تخطبيه من عمير و فيروز وعلى رأي المثل أخطب لبنتك ولا تخطب لابنك وأنا كدة كدة هروح أخطب نيرة تيجي معايا في كرسي فاضي جنبي في الصف وبتغمز بعينها وتضحك.
ردت علا بكل سعادة
هو أنا أطول أجوز بنتي لابن عمير و فيروز بس لولا المشاكل اللي بينا كنت خطبته منهم لما تيجي تروحي إبقي قوليلي عشان نفرح بيهم في ليلة واحدة. وأكملا بضحك على تصرفات أبنائهم.
ضحكت هالة ورفعت يدها إلى السماء
أنا الحمد لله ارتحت من عليتكم دي وبنتي عاقلة وربنا تاب علينا منكم.
وتركتهم ودلفت إلى القصر وهي تضحك.
صمتوا عندما سمعوا صوت
علي يتكلم بعصبية وصوت عالي كتقليد منه لوالده
إطلعي غيري المايوه ده حالا قبل المدرب ما ييجي على ما أسلم على جدو علي الكبير وتيتة نيرة تكوني غيرتي وبقيتي قدامي.
نظرت إليه تاج بدموع وانصرفت لكي تبدل ملابسها واقتربت من والدتها التي تقف مع زوجة عمها سلوى التي كانت تندهش من نظرات هؤلاء الأطفال التي كانت تفيق استعابها.
تكلمت تاج بطفولية
شوفي يا مامي علي بيشخط فيا إزاي أنا هروح أغير المايوه عشان ميزعلش مني تاني. وتركتهم وذهبت.
ظل علي يتابعها حتى اختفت من أمامه تقدم من جده وألقى عليه التحية وأمسك يده وقبلها باحترام وهتف
إزي حضرتك يا جدو وإزي صحتك.
وأكمل بمشاغبة
مستعد عشان نصلي الجمعة في المسجد الكبير اللي في أول المدينة وهنروح مۏتو رجل ولا بالعربية
رد عليه جده بحب
طبعا يا بطلي موتورجل.
وأخذه في أحضانه وابتعد عنه ومد يده لكي يمسكها
تعالى دخلني أرتاح شوية على ما ييجي ميعاد الصلاة.
مد علي يده وأمسكها وأعطى له عكازه لكي يوصله إلى غرفته خرجت الحاجة سيدة وفي يديها صينية بها الطعام الذي يحبه الأطفال رأت نيرة تجلس على الأرجوحة فذهبت إليها تسألها بقلق
إنتي قاعدة كدة ليه يا نيرة القلب وصمتت على صوت كريم الذي تحدث بانفعال مفرط وصوت عالي
مالك يا سوسو ليه بقيتي تنسي كتير.
واقترب منها
هو أنا مش طلبت من حضرتك بلاش تقول لها يا نيرة القلب ! أنا بس اللي أقول لها الاسم ده.
ضحكت الحاجة سيدة كثيرا على كلام وتصرفات أحفادها التي فاقت عقلها وعزمت على توبيخه وهتفت
أنت مالك دي حفيدتي أناديها بالاسم اللي أحبه وبعدين تعالى هنا أنت مقعدها كدة ليه هي جاية تقعد
معانا ولا تقعد معاك أنت يا ولد
انفعل كريم من قبضة جدته لأذنه فتكلم بصوت عالي وهو يمسك يديها
سوسو لو سمحتي إنتي كدة بتقللي مني قدامها وإنتي كمان بتضحكي ده أنا هموتك يا نيرة القلب عجبك كدة يا سوسو.
وابتعد عنها
اتفضلي خليكي في تجهيز الغدا زمان بابا على وصول من السفر وأشار إلى باب قصره الداخلي
عارفة يا تيتة الباب اللي هناك ده ادخلي جوه شوفي شغلك اتفضلي اتفضلي وحفيدتك مسؤولة مني ومن الآخر تخصني مش كدة يا مالك
ينظر إليهم مالك بهدوء وهو يحضر مباراة على الحاسوب النقال ومن ثم لم يعطيهم اهتماما لحديثهم لكنه تحدث بقوله
كريم من مصلحتك أنت و علي متكلموش عشان هخلي تيتة تعاقبكم.
تحدثت الحجة سيده
أنت العاقل اللي في العيلة
فقال كريم
هو إحنا فينا من الندالة دي ماشي حسابك معايا متنساش إني أكبر منك.
نظرت الحجة سيدة إلى كريم وضحكت
أخرس يا ولد ده أنت ليك معايا حساب منيل ومش هجيبلك هدية في حفلة نجاحكم السنادي أنت بالذات خلي لسانك الطويل ينفعك.
اقترب كريم منها
أنا يا سوسو واقف معاكي هتجيبيلي موتسكل ريس بقى وقبلها من يديها أنا قاعد أهو مليش في جو الحبيبة ده.
ابتسمت الحجة سيدة بحب
هفكر في حكاية ريس دي بعدين بس أنت يا مالك العاقل اللي في المجانين دول وكلهم مسؤوليتك أنت الكبير يا قلب ستك وبعدين سيبوني أشبع من حفيدتي بقى.
واقتربت من نيرة وأخذتها في أحضانها
وحشتيني يا نيرة عاملة إيه وإزي ماما وبابا
ردت عليها نيرة
الحمد لله يا تيتة كويسين تيتة لو سمحتي خلي كريم يسبني أتصرف براحتي من ساعة ما جيت وهو مش راضي يخليني أسلم على حد إلا جدو علي وتيتة نيرة.
نظرت إليه جدته وتكلمت بجدية
لو فكرت تتصرف تاني بالشكل ده هيبقى ليا تصرف معاك يا كريم.
وحولت نظرها إلى نيرة
خلاص يا قلب ستك هو هيخليكي تعملي اللي إنتي عايزاه.
وقبلتها من وجنتها بحنان وتركتهم وذهبت لكنها وجدت سلوى جالسة تبكي فاقتربت منها
مالك بټعيطي ليه يوسف فيه حاجة انطقي بسرعة.
تكلمت سلوى
بعيد الشړ عليه لا يوسف كويس أنا اللي حزينة مش قادرة أخلف ليوسف ولاد تاني.
ردت عليها حماتها
هو إنتي غاوية نكد جوزك ولا في دماغه ولا إحنا كمان وعندنا كريم بالدنيا بطلي هبل واعقلي بدل ما تكبريها في دماغ جوزك ويروح يدور على الخلفة يا ناصحة.
ألقت عليها كلماتها وتركتها وغادرت بصمت من تيبس رأسها..
يتبع......
تمرد_عاشقه_ج
فيروز_حطمت_حصون_قلب القاسى_ج
ياسمين_الهجرسي
الحلقه الرابعه
تمرد_عاشقه_ج
فيروز_حطمت_حصون_قلب_القاسى_ج
ياسمين_الهجرسي
سبحان الله وبحمده سبحان الله العظيم
رواية تمرد عاشقه ج٢ إصدار 2021 من
الجزء الأول فيروز حطمت حصون قلب القاسى ج اصدار 2020 مسجله حصرى بأسمى ياسمين الهجرسى ممنوع منعا باتا النقل أو الاقتباس أو النشر فى اى موقع أو مدونه أو جروب او صفحه حتى ولو شخصيه من دون اذنى ومن يفعل ذلك يعرض نفسه للمسأله القانونيه
أحذر أن ترمي ڪثير من الزهور في أحضان فاقد حاسة الشم.....
فى الأرجاء بحثت الحجه سيده عن زوجها إلى أن هداها تفكيرها على مكان تواجدها ذهبت للداخل فقد كان رجال العائلة يجتمعون في مكتب أحمد طرقت الباب ودلفت
الحاجة سيدة المكتب تبلغهم أن الطعام أعد والجميع في انتظارهم ثم رأت الحاج محمود يضع رأسه بين يديه فاقتربت منه تواسيه لمرض زوجته الحاجة فادية
وحد الله يا حاج محمود هتبقى زي الفل وإن شاء الله خير إحنا كلنا جمبها ومش هنسيبها لوحدها.
نظر إليها الحاج محمود نظرة هي تعلم معناها.
نظر أحمد إلى أخيه
معقول یا محمود لسة بتلمح أن ابنك يدخل وسطينا تاني ! هقولك الكلام اللي قولتهولك من زمان عايز ابنك أشتري الفيلا اللي أنت عايزها وخد مراتك ورجع ابنك وعيشوا مع بعض لكن تفكر إنه يدخل المكان اللي أنا عايش فيه أنسى كفاية خسړت ابني عشان بس العيلة دي متتفرقش ونفضل جمب أبوك وابنك خاېن وميستهلش وجوده وسطينا.
تكلم محمود بصوت عال وعصبية
أنت عندك يوسف عوضك عن غياب عمير لكن طارق ابني الوحيد محدش عوضني غيابه لا أنا
ولا أمه.
رد عليه بحكمة والده الحج على
وأنا خيرتك زمان روح أنت ومراتك عيش مع ابنك رفضت ولسة العرض قائم هديك نصيبك في ثروتي وروح عيش بالطريقة اللي تريحكم فكر يا محمود وبلغ مراتك لأن مش مسموح إن اسم الخاېن ده يتذكر قدامي واتفضلوا اطلعوا برة أنا مليش نفس آكل.
كانت نظراتهم تحمل لوما وعتابا وخيبة أمال تركوا والدهم وانصرف كل منهم إلى وجهته.
______________
في مساء اليوم ذاته المليء بالأحداث ما بين عتاب وتسامح وغدر وغفران وعشق وكراهية وعفو وبغض واحتواء.
قصر عمير الخولي
في جناحها كانت نائمة حزينة ومجهدة لا تقوى على القيام من فراشها تكسو عيونها سحابة من الغيوم تتساقط دموعها أمطارا من جفنيها تسلط نظراتها على من يجلس أمامها على كرسيه ينتظرها حتى تهدأ كانت تحدث نفسها تشعر وكأن قلبها ينقبض ونبضاته ترتفع وتنخفض وهي تسأل نفسها
كيف سمح له قلبه أن يتهاون في جرحها
معقول ده اللي قولت عليه حبيبي وأبويا وأخويا وسندي في الدنيا فضلت عمري كله أقول أعيش وأموت لعنيه معقول كنت غلط لما افتكرته حبيب معقول بقى سهل عنده يجرحني للدرجة دي معقول خېانة أميرة عمته عن حبي ليه اللي بيكبر مع كل يوم وبيزيد من عمري بس أنا مش هسمحله لا هو ولا غيره يهد حياتي اللي تعبت وأنا ببنيها لازم يعرف حدوده كويس عشان حياتنا تستمر.
كان ينظر إليها في صمت ويلوم نفسه كيف سمح لقلبه أن يقسو عليها لهذه الدرجة وظل في صراع مستمر بين قلبه وعقله.
ومازلت أسأل
هل من دليل ! أحاول أن أعيد الزمان وأتذكر وجهي وسمرة جلدي ظلال الدوائر فوق عيني وفي رأسي بعثت بعض الجنون وتاهت ملكة قلبي بين ظلام هذا الزمن ونسيت ملامح وجهي القديم.
فاق من شروده على صوت عقله الذي يحذره منها
وهي قدرت تنجح في شغلها وعلاقتها كترت وبقت مرغوبة وحواليها رجالة كتير أكيد طمعانة فيها ممكن حد ياخدها منك بسهولة هي بقى ليها رأس مال خاص بيها وأنها جميلة ولسة صغيرة ولازم تعرف أنك منعتها من كل متع الحياة ما عدا شغلها ولو جتلها فرصة هتبقى نسخة من أميرة.
رد عليه قلبه برفض قاطع لفكرة خيانتها
لاااا دي تربية إيدك وحب عمرك هي محبتش غيرك ولا كانت هتحب ولا تتجوز غيرك استحملت ظلمك ليها كتير وإهانة أميرة وانحرمت من أول حمل ليها بس هي كانت أحسن منك لما تجارتك وقعت هي اللي سندتك ووقفتك على رجليك بشطارتها في مجال الفاشون غير كل ده أنت هتقدر تعيش من غيرها.
تجمدت الدموع في عينيه وهو يتخيل حياته من غيرها فستصبح أيام عمره حطاما
رغما عنه مال حاولت فيروز الفرار في البداية لكنه
بس مش قادر أنسى اللي حصل.
وتحدث بصوته الأجش الذي يكسوه الحزن والألم والضعف
أنا جوايا صراع هيقتلني في لحظة خاېف ټخونيني زي أميرة أنا صعب أووي عليا أقولك الكلام ده.
وأمسك يديها ووضعها على قلبه لكي تشعر بدقاته وسحبها إلى أحضانه
مره أخرى وتكلم بصوت يغلف دموعه التي تنهمر بۏجع
ساعتها قلبي هيقف والمۏت عندي أهون من اللحظة دي خېانتك هتبقى خنجر هيقضي عليا. وانهمرت دموعه على حين غفلة منه.
كانت تسمعه وعقلها لا يستوعب كيف يراها قادرة على خيانته ابتعدت عنه لتوبخه لكن لسانها شل عن الكلام عند رؤيتها الدموع في عينيه هل يصدق أن هذا هو عمير زوجها وحبيبها وعشق عمرها الذي لا يكسره شيء حتى عندما خانته أميرة لم تر له دموعا الهذه الدرجة خائڤ من خيانتها
لقد قررت أن تمحي هذه الفكرة من عقله ليستريح قلبه ويطمئن تكلمت من بين دموعها وشفتيها التي حاولت أن تسيطر عليها ومسكت يده وطبعت قبلة عليها وقالت
كيف لك يا حبيب العمر ويا نبض القلب ويا همس الروح ألا تشعر أن كل ما أعيشه الآن لك وكل ما أحتاجه هو وجودك معي ألا تعلم أن مشاعري وأفكاري كلها تحيا من أجلك وازدادت دموعها.
تحدثت وكأن هناك سكاكين تذبح روحها وتمزق فؤداها بدون رحمة وابتلعت ريقها بصعوبة ثم نظرت إليه بعشق
أنا بحبك من أول يوم شفتك فيه ووعيت على الدنيا حتى لما اتجوزت أميرة حاولت أدفن نفسي في الشغل