مش هحضر فرح اختي

فضلت تقول إنت دايما واخد كل حاجة على أعصابك. ده فرحي ممكن تبطل تخليه عن حاجة تخصك
في الآخر قلتلها مش هحضر الفرح إلا لو اعتذرتلي.
ميا رفضت وقالت إنها مش شايفة إنها غلطت وإني أنا اللي بتصرف بشكل طفولي عشان هزار بسيط.
ده خلى الدنيا تولع في العيلة.
أهلي شايفين إن لازم أتنازل وأحضر الفرح عشان نعدي الأزمة وبيقولوا إن ميا مكنتش تقصد حاجة وأنا مكبر الموضوع على الفاضي.
بابا حتى قال إن يمكن أكون غيران من إن ميا أخيرا يومها المميز جه وبدور على سبب أعمل مشاكل.
من النحية التانية ابن عمي الكبير اللي يعتبر زي أخ كبير ليا قال إن عندي حق أزعل وإن تصرف ميا كان مفيهوش مراعاة لمشاعري وكان فاكر إن ميا دايما بتتجاهل إحساسي وإن ده ممكن يكون وقت مناسب أحط حدود.
وريان خطيبها كلمني في السر واعتذرلي وقال إنه مكنش عارف إن ميا ناوية على الهزار ده وإنه شايف إنه كان تصرف مش كويس.
وطلب مني أعيد التفكير في موضوع الفرح عشان هو نفسه فريق الصحاب يكون كامل وإنه فعلا بيقدر صداقتنا.
شكرته على اعتذاره لكن قلتله إن الاعتذار لازم يجي من ميا نفسها.
دلوقتي مع قرب معاد الفرح التوتر بقى في السما.
ميا زعلانة مني عشان مبوظلها جو الفرح وأهلي بيضغطو عليا أروح وأنا مش عارف لو أنا فعلا مزودها زي ما بيقولوا.
هل أنا فعلا غلطان إني مش عايز أحضر إلا لو ميا اعتذرتلي
تحديث
بعد ما كتبت الكلام ده خدت شوية وقت أفكر في اللي حصل وقررت أكلم ميا مرة أخيرة.
قلتلها إن أنا مش قصدي أخرب فرحها ولا أطلعها إنها شخص وحش لكن أنا فعلا حسيت بالأڈى وعدم الاحترام وشرحت لها إن الموضوع مش بس عن الكرافتة لكن ده نمط متكرر في علاقتنا وإنها بتتجاهل دايما أو بتقلل منها.
ميا ردت عليا برسالة طويلة ومليانة مشاعر.
اعترفت فيها إنها مكنتش متخيلة إن الهزار هيجرحني بالشكل ده واعتذرت لأنها خلتني أحس بالإحساس ده.
بس هي كمان قالت إنها كانت تحت ضغط كبير بسبب التحضيرات للفرح وكانت تتمنى لو
كنت اتكلمت ف الموضوع بطريقة مختلفة.
ومع إن اعتذارها مكنش كامل بس في الآخر أحسن من مفيش.
قلتلها إني مقدر إنها قررت تتكلم معايا وإني هحضر الفرح لكن بعد يوم الفرح ده محتاجين نتكلم بجد عن علاقتنا وهي وافقت وخلصنا الكلام بشكل كويس.
في يوم الفرح كل حاجة عدت بشكل كويس.
ميا حتى اتكلمت واعترفت بدعمي ليها واعتذرت تاني قدام العيلة.
ممكن كانت كلمة سريعة لكن كانت لفتة جميلة حقيقي منها وأنا كنت شاكر لده.
ودلوقتي بعد كام شهر علاقتنا بدأت تتحسن شوية بشوية.
أنا بدأت أحط حدود واضحة مع ميا وهي بدأت تعمل مجهود إنها تراعي مشاعري أكتر.
العلاقة لسه مش مثالية لكن عندي أمل إننا هنقدر نبقى أحسن مع الوقت.