جمر الجليد الجزء الثالث حصري بقلم شروق مصطفى الرابع عشر

الفصل الرابع عشر
جمر الجليد الجزء الثالث حصري بقلم شروق مصطفى
مرت ساعة تقريبا خيم خلالها الصمت على المكان وكأن الزمن تجمد بين ما حدث وبين ما سيأتي حتى خرجت مي وهمسة متوجهتين إلى الشاليه المجاور.
بعدها بقليل دلف عاصم إلى المنزل. وجده هادئا كأن لا أحد فيه فهو كان قد درس المكان بأكمله حين تواجده سابقا. لكن المشكلة الآن في والدة مي فهي لم تخرج من البيت ومن الممكن أن تتسبب له في مشكلة ما لكن لم يعد الأمر يهمه فسوف ينفذ ما جاء من أجله. ثم هاتف رقما ما وفتح الباب ليدخل شخصان معه إلى غرفة زوجته ثم...
في تلك الأثناء عادت مي وهمسة بعد أن انتهيا من تنظيف المكان لدى عاصم. هتفت همسة على زوجها ليأتي به وذهبوا إلى الشاليه الخاص بهم دخلوا بإرهاق واضح. دلفت همسة للاطمئنان على أختها فيما توجهت مي إلى غرفة والدتها لتبديل ملابسها. لكنها لم تكد تدخل حتى هرولت على أثر صړاخ عال من همسة داخل غرفة سيلا.
حضرت نبيلة ومي على الفور وكان وليد قد وصل إليهم لتوه.
سيلا فين راحت فين الحقنا يا وليد!
صړخت همسة پصدمة وهي لا تجد أختها على الفراش رغم علمها التام بأنها غير قادرة على الحركة.
نظرت إلى زوجها بنظرات شك.
حاول وليد تهدئتهم وقد لاحظ اڼهيار مي أيضا فقال
ممكن نهدى كده وأنا هقولكم على كل حاجة... هي أولا مع عاصم وهو اللي أخدها.
إزاي يا وليد تعمل كده! مش هي محلفاني ليه كده! هتفت همسة پغضب.
ثم نظرت إلى نبيلة بعتاب
كده يا طنط مش تمنعيه ياخدها دي مأكدة علينا.
ردت نبيلة بهدوء ممزوج بالحزن
يا حبيبتي ملهاش غير جوزها. هو الوحيد اللي قادر يصلح بينهم. وطول ما هي معانا هتفضل تتحامى فينا وتبعد ويطول البعد بينهم. أنا فعلا كنت همنعه لكن لما فتحت الباب أطمن عليها لقيته خاېف وملهوف عليها ومعاه فريق إسعاف كامل. شفت في عينيه إنه الوحيد اللي يقدر يخرجها من اللي هي فيه ويصلح اللي عمله.
نظرت مي إلى والدتها وقد بدا عليها التشتت
أزاي قدر يدخل هنا وإزاي هي سابته كده
سادت لحظة صمت قصيرة لكنها كانت كافية لتفضح التوتر الذي بدأ ينسل إلى صوت وليد وهو يرد محاولا أن يبدو متماسكا
احم... الحقيقة هو اتفق معايا ياخدها والممرضة حقنتها نسبة مخدر عشان يقدر يسافر بيها ألمانيا. ونقلوها بطيارة مجهزة. هناك هو بيتعامل معاها...
تنهد ببطء وكأن الحمل لا يزال على كتفيه
أنا شايف ده الحل الأنسب لأنهم أعند اتنين قابلتهم في حياتي. لا هي كانت هتقابله ولا هو هييأس.
مي بتأييد واضح
عندك حق... ربنا يقومها لنا بالسلامة ويرجع نظرها من تاني.
هزت همسة رأسها بالإيجاب ثم قالت
طيب كده قعدتنا هنا ملهاش