تميم اسكريبت كامل بقلم ورد

قصي راسه وبدأ الكلام يدخل قلبه
بس أنا حاسس إني هبعد عنها وهخسرها للأبد
ضحك تميم ضحكه خفيفه واردف
هو في حاجة بتضيع لما تسيبها لوجه الله ربنا كريم ويمكن لما تبعد ربنا يشرح صدر أهلها ليك في الوقت الصح وتدخل من الباب وساعتها الحب هيكون له معنى تاني.
اتنهد قصي وقال بصدق
أنا أول مرة حد يكلمني كده أنا فعلا عمري ما فكرت إن اللي بعمله ممكن يزعل ربنا.
قرب تميم أكتر واردف وهو بيحضنه
مفيش أجمل من إنك تبدأ صفحة جديدة مع ربنا تسيب الحاجة دي وتصبر وربنا وعد
ومن يتق الله يجعل له مخرجا ويرزقه من حيث لا يحتسب
خلاص يا تميم مش هكلمها تاني لحد ما أقدر أتقدم لها بالحلال ولو مش من نصيبي فربنا هيعوضني.
أنا عارف إنك قدها وربنا مش بيضيع حد نوى الخير.
طب يا تميم لو أنا اتقدمت وخطبتها وكلمتها وقتها وخرجنا سوا برضو ده يبقى حرام
بص يا قصي الخطوبة مش عقد هي وعد بالزواج مش زواج فعلي يعني شرعا البنت وقت الخطوبة لسه أجنبية عنك زيها زي أي بنت غريبة.
رفع قصي حاجبه واردف بتعجب
يعني حتى وأنا خاطبها مقدرش أتكلم معاها برحتي
هز تميم راسه واردف
تتكلم معاها آه لكن بحدود كلام في وجود أهلها أو علي الأقل في إطار محترم وواضح ومش على طول.
لكن تطلعوا سوا لوحدكم أو تتكلموا بالساعات عن مشاعركم وتعيشوا كأنكم متجوزين لأ ده مش حلال وده اللي بيخلي كتير يتعلقوا ببعض تعلق مرضي ولما الجوازة ما تحصلش القلوب بتتكسر.
أكمل حديثه وهو ينظر الي صديقه الذي سرح في كلامه
ربنا مش بيحرم حاجة عبثا كل أمر في الدين وراه رحمة هو عايز يحمي قلبك وقلبها لأن الحب اللي قبل الحلال بيكون مليان قلق وتوتر وشك إنما اللي بعد الحلال بيكون طمأنينة وسكن وده اللي ربنا قاله
ومن آياته أن خلق لكم من أنفسكم أزواجا لتسكنوا إليها.
يعني الحب مش غلط بس لازم يكون في مكانه الصح
ضحك تميم واردف
بالضبط الحب مش حرام لكن الطريق اللي بنمشي فيه هو اللي بيخلي الحب ده نعمة أو نقمة.
سكت قصي لحظة وبعدين واردف بهدوء
أنا محتاج أراجع نفسي في حاجات كتير يمكن كنت فاكر إني ماشي صح بس بالعاطفة مش بالعقل.
ربت تميم على كتفه واردف
وأنا جنبك يا صاحبي وربنا دايما فاتح لك باب ترجعله هو بس عايز يشوف نيتك وانت نيتك طيبة وربنا هيبارك لك فيها أو يعوضك خير.
سكت قصي شوية وهو باصص للأرض وبعدين رفع عينه ناحية تميم وقال بهدوء
طيب يا تميم دلوقتي أنا ناوي أتقي ربنا ومش عايز أعمل حاجة تزعل ربنا
بس برضو مش عايز أحس إني ظالم نفسي ولا ظالمها
إيه الشروط اللي أقدر أمشي بيها أعمل إيه وإيه اللي لازم أبعد عنه
ابتسم تميم وكأنه كان