تميم اسكريبت كامل بقلم ورد

مستني السؤال ده من بدري
بص يا قصي لو ناوي تفضل متمسك بيها وفي نيتك إنك تتقدم لها لما تكون جاهز يبقى في خطوات لازم تمشي بيها وتفاصيل لازم تحط لها حدود.
أول شرط توقف أي كلام عاطفي.
يعني مفيش وحشتيني مفيش بحبك مفيش نفسنا نكون سوا...
الكلام ده مكانه بعد كتب الكتاب مش قبله لأن ده أكتر حاجة بتربط القلوب بالغلط وتخلي العقل ينام.
هز قصي راسه بتفهم وقال
تمام كلام منطقي.
كمل تميم حديثه بحماس
تاني شرط أي تواصل يكون في إطار واضح ومحترم.
يعني لو ضروري تتكلموا يكون مرة كل فترة بخصوص حاجة محددة ومن غير خلوة ولا همسات ولا مكالمات نص الليل.
ضحك بخفة وقال
الشيطان بيحب الظلمة والسر فاقطع عليه الطريق.
ابتسم قصي وقال
طب والخروجات
رد تميم بسرعة
تالت شرط مفيش خروجات خاصة.
لو فيه حاجة تستدعي وجودكوا في مكان واحد يبقى لازم يكون في وجود أهلها أو وسط ناس أو في مناسبة عامة.
لكن تطلعوا لوحدكم بحجة إنك خاطبها لأ لإنك لسه ما بقيتش جوزها.
تنهد قصي واردف
حاسس الموضوع صعب بس عارف إنه صح.
ضحك تميم وقال
هو مش صعب هو بس محتاج صبر وربنا هيقويك.
رابع حاجة حافظ على قلبك وقلبها بالدعاء.
ادع ربنا دايما اللهم إن كانت خيرا لي فقربها مني بالحلال وإن كانت شړا فاصرفها عني واصرفني عنها.
الدعاء ده بيخلي ربنا يدخل بينك وبين نفسك ويمشيك للطريق اللي فيه الخير.
اتسعت عيون قصي وقال بإعجاب
ياااه أول مرة أحس إن الدين حامي قلبي مش بيحرمني.
الدين ما حرمش الحب حط له طريق.
وساعات ربنا يختبرك بحب قبل الحلال عشان يشوف هل هتختار رضاه ولا رغبتك.
ولو اخترت رضاه ساعتها هيكرمك بما لم تتخيله.
إنما الحلال سلطان الهوى ومن خاف ربه نال المنى.
تمت بحمد الله
أول حدودته في السلسهوتعانقت الأرواح وحبيت أنها تكون حاجه تكون لذيذه كدا وتنفع الناس
الست_ورد𐭩ᡣ
𝐖𝐚𝐫𝐝𝐚ᡣ𐭩
فصبر_جميل
قبل_أن_نحب_نتقي
سلسلة_وتعانقت_الأرواح