أنت كسرتني لاميرة الأخرس

يا عاصي بالله
_لا هحلقها خالص..بتحسسني
حلقها وأنا ببصله بغيظ ولقيته خلص وشالني وقفني قدامه قدام المرايا وفك الطرحة أنا اتكسفت وبصيت في الأرض لأن شعري ابتدا يوقع
_بصيلي ياروز
رفعت عنيا المدمعة ببطء وبصيت لعيونه في المراية لقيته مد إيده جمبه وجاب مكنة الحلاقة بتاعته
أنا خۏفت وبصتله پخوف لما عرفت هو ناوي على إيه
_مش هتقدري تشوفيه بيوقع وهو هيوقع خلال الجلسات ديف روز قوية وهتحلقه هي
عيطت مهما كان صعبة عليا
_عاصي بالله عليك مش هستحمل دي بالذات مش هستحملها ..
لسة ابتسامته زي ماهي... بس لمحت في عيونه دمعة مدارية
_هيطلع تاني وصدقيني أنت في كل حالاتك جميلة جدا
خبيت وشي بإيدي وانهرت في البكا... لا والله مش هستحمل
_عاصي عشان خاطري بلاش لو بتحبني بلاش
_ياروز بصيلي وشيلي إيدك
بصيتله پخوف طمني بعنيه وضمني ليه وباس راسي
_بنوتي عنيدة ليه... يلا عشان أجبلك النوتيلا اللي بتحبيها
_أنت بتراضي بنت أختك حضرتك
_لا براضي بنت قلبي...
خلاني أبصله وأعطي ضهري للمراية مسكت في القميص بتاعه پخوف لما سمعت صوت المكنة... وابتدى يحلق في شعري ومع كل شعرة بتوقع روحي بتروح مني.... خلص وأنا صوت بكايا عالي ولقيته ضمني ليه ولسة صوت المكنة شغال بفتح عيني لقيته هيحلق شعره
_عاصي لا لا لا اوعى تعملها هزعل منك لا ياعاصي
عملها وحلق شعره خالص كان بيحلق دقنه عشان يبقى معندوش شعر
وقد إيه فعلته دي خطفت قلبي...
خلص وضمني ليه
_كل خطوة هنمشيها سوا
حسيت إني مخڼوقة وقلبي بيوجعني عليه
_عاصي هو في أمل إني أعيش
إيده اشتدت حواليا وكأنه عاوز يدخلني جواه
_لا دا في أمل وعمر ومديحة وناهد وكله.... يلا يابت بطلي كآبة وتعالي نخرج نروح الملاهي
_هتروح الملاهي يادكتور عيب على سنك
_سن مين ياماما وبعدين أنا تافه أصلا ميغركيش الشخط والنطر اللي بعمله ده... ده أنا قلبي قلب خساية.. إيش عرفك إنتي
ضحكت...
خرجنا وفي طريقنا للملاهي خدناها مشي وإحنا بنضحك.. وقابلت غلطة عمري
_إيه ده روزان شكلك عامل كده ليه يابنتي شبه الأموات
_ميخصكيش ياغادة وخليكي في حالك.
_اه حالي عموما أحمد جاي أهو استني سلمي عليه
_واسلم عليه بتاع إيه عاوزة حاجة ياغادة أصل الجو هنا خنيق ونفسي غمت عليا عن إذنك بقا
معرفش اتكلمت كده إزاي دي غادة اللي كانت صاحبتي وأحمد ده اللي كان خطيبي أنا كنت لما بشوفهم بعيط تلقائي
_مين دول ياروز وكلمتيها كده ليه
_هحكيلك ياعاصي... دي واحدة كانت صاحبتي وأحمد ده كان خطيبي وطلعوا الاتنين على علاقة ببعض من ورايا... يقنعني إنه بيحبني وهو مقضيها معاها ومكنتش علاقة كلام وبس دي كانت حاجات تانية... لحد ماربنا كشفهم ليا قبل كتب كتابنا بيوم... مسكت فون غادة أرن على أحمد عشان مكنش معايا رصيد لقيته بيرد عليا ومفكرني غادة وبيقولي معلش ياحبيبتي مش هعرف أجيلك الشقة النهاردة... وهي شكلها كانت عوزاني أعرف عشان كده عطتني الفون بسهولة...بعدها بشهر عرفت إنهم اتجوزوا
وبس دي كل الحكاية...
_انسي عاوزك تنسي كى اللي فات أنا جمبك ومش عاوزك تشيلي هم حاجة....
_ربنا يديمك ليا..
عدت فترة العلاج بصعبها ومرها وهو واقف جمبي وقفة الجبل... وكانت فترة صعبة علينا كلنا...
عبدالله اللي كلام الدنيا ميوفش حقه وعاصي نعمة ربنا ليا... واللي لسة لحد دلوقتي مقولتلوش كلمة واحدة تبل ريقه.. بقالنا سنتين ونص...
خرجت من المستشفى وحسيت إني اتولدت من جديد...
_عاصي عاصي عاصي عاصي
_ماخلاص ياماما أنا جمبك على فكرة
_بحبك
_ماشي.. إيه أنت قولتي إيه
_بحبك يا عاصي بعشقك ياللي الغرام انخلق ليك
_إحنا في الشارع اتلمي واظبطي لحد منروح عشان عبدالله مستحلفلي...
_ماشي
_لا بقا مش قادر تعالي كده
حضڼي وفضل يلف بيا
المچنون
_ولا نزلني يلا دوخت يخربيت الكفرة
_بس يافصيلة بحبك
نزلني وسندني واتمشينا بهدوء لحد ماوصلنا البيت سمعت دوشة وصوت عالي ولقينا ناس بتصوت وناس بتجري فناديت على طفل صغير يعرفني إيه حصل
_اسكتي يا أبلة روز أحمد حمدي قتل غادة مراته والشرطة هتاخده
خۏفت أول لما سمعت اللي حصل وبكيت مهما كان كانت صاحبتي
_ربنا يرحمها ويسامحها يارب
لقيت عاصي دعمني بدراعه وطلعنا لقينا عبدالله مستنينا على باب الشقة...
عاصي اتكلم لما لاقاني مش عارفة الم أعصابي وامشي كويس
_عبدالله تعالى جوة عشان روز
_ممكن أعرف كنتوا فين وقافلين التليفونات وسايبني هنا اتحرق بجاز عادي جدا
_اهدى ياعبدالله ... روز مراتي
_بس لسة في بيتي ياعاصي.
_حقك عليا ياعم بس اصبر كده
عاصي طلع ورقة من جيبه ووراها لعبدالله لقيت عبدالله بصلي وبص لعاصي بفرحة وأنا مش فاهمة في إيه
_روز عاصي قدملك في جامعة خاصة
_احلف!
من صدمتي قومت بسرعة بس حسيت الدنيا بتلف بيا وراسي صدعت
_اهدي ياماما... تعالي اقعدي
سحبني قعدت في حضنه وأنا لسة في صدمتي
_عاصي!
_حبيت أفرحك
_أنت وجودك لوحده فرحة صدقني
_بحبك
_أما أنت فلن تخرج من قلبي مهما مرت الأيام فقد أصبح متاهتك الأبدية...
ل أميرة الأخرس
والطيبون_يغرسون_الجمال_في_قاع_الروح_لاإراديا