الليل الحزين
المحتويات
الجزء الأول
شبح_الليل_الحزين
أنا عشت تجربه عمري ما كنت اتخيلها ولو كان حد حكالي عليها مكنتش هصدقه تعالوا ما اعرفكم بنفسي الأول
أنا الدكتور ممدوح عندى 26 سنه لسه
طبيب مبتدئ من أسرة بسيطة أبويا شغال عامل نظافه في مستشفى خاص من المستشفيات الكبيرة ورغم شغلت أبويا البسيطة دى بس كان أهم حاجه
عنده انه يعلمنا أنا وأختى الصغيرة وكان حلم حياته يشوفني دكتور وكان أسعد يوم عنده لما دخلت كليه الطب جامعه القاهره
ده قال ل بابا أن طلاب الجامعه الخاصة التابعه للمستشفى وبيدرسوا التشريح فيها وأنه هيخليني من دلوقتي أحضر معاهم علشان استفيد اكتر
والمفروض اقضي سنتين نيابه في مستشفى حكومى وكان مكان التعيين في قريه قرب الواحات كانت صډمه ليا أولا المكان بعيد أوى وثانيا أنا كنت ناوى اكمل شغل لأن مرتب الحكومى بيكون بسيط جدا ولما حاولت اطلب نقلي معرفتش وجهزت نفسي للسفر
قولت لهم ع إسم القريه قالولى أركب والحمار هيوصلك لحد المستشفي وسألتهم لو في تاكسي أو باص قالولى الحاجات دي في البندر بس لكن هنا إحنا مش محتاجين الحاجات دي ومافيش غير الركوبه ولازم تلحق توصل قبل المغرب لان لو الليل جه مينفعش حد يمشي في القريه
ركبت الحمار وع ما وصلت مش قادر اوصفلكم التعب اللى أنا فيه والراجل نزلني وركب الحمار وجري قبل ما الليل يجي عليه
بصراحه استغربته بس مكنتش في حاله تسمح أنى استفسر عن حاجه أنا تعبان ۏجعان ونفسي أنام
أول ما دخلت المستشفى لقيتها فاضيه خالص مافيش حتى أمن ع الباب وعامله زى مستوصف وسامع صوت تليفزيون عالي روحت وراء الصوت لقيت ناس واضح أنهم عمال في المستشفى قاعدين كلهم ومركزين قدام التليفزيون أول ما كحيت بصولي وصوتوا واللى جري أنا اټخضيت هو أنا شكلي اتبهدل أوى كدا من السفر
قولت له أنا الدكتور ممدوح وجاى هنا اقضي سنتين نيابه هو انتوا اتخضيتوا ليه
رد العامل وقال اصل إحنا مش متعودين حد بيجي المستشفى بالليل دايما الكشف بالنهار بس
قولت له ولو حد تعب بالليل يعمل ايه قالى يفضل لحد تاني يوم لكن محدش هيجازف بعمره ويجي هنا بالليل
قالي تعالي ما اوريك الاستراحه فين اكيد تعبان من الطريق قولت له أنا جعان قالي هشوفلك اكل مع الزملاء لأن مافيش هنا غير بوفيه مشروبات بس
منطقتش بصراحه ندمت اني مجبتش أى ساندوتش معايا
بس بردو مش فاهم هو ايه اللي بيحصل بالليل يخلي الناس تخاف تمشي في القرية دى
والحمد لله لقيت العامل جابلي أكل وقالي حاول تنام لأن الشغل عندهم بيبدء من بدري
وفعلا كلت ونمت أنا تعبان وهلكان وصحيت الفجر خدت شاور وصليت واخدت البلطو بتاعي ونزلت في الريسبشن تحت علشان اعرف فين مكان حجرة. الكشف
وأول ما لقيت عامل شاب كدا منى سني تقريبا اتعرفت عليه وطلع شغال ممرض في المستشفى ومن أهل البلد قولت له
يا محمد بما أنك بقي من البلد قولي اشتري منين أكل أو لو في مطاعم هنا اجيب منها أكل بالليل
قالي لأ ليل ايه أنسي شوف أنت عاوز ايه وأنا اجيبوا لك من السوق لكن متخرجش بالليل البلد هنا كل واحد بيقفل بابه عليه من قبل المغرب
قولت له ليه أوعى يكون عندكم ديابه ولا السلعوة
محمد.....
ياريت كنا اصطدناهم لكن الموضوع أكبر من كدا أنت مش هتفهم لأنك من البندر أنا هكلملك عم بدوى التمرجي يدخلك الكشوفات وأنا هروح اجيبلك الأكل والاستراحه فوق في تلاجه وبوتجاز قولت له ماشي اديته فلوس وخرج وأنا ابتديت الكشف
وجه بعد شويه عم بدوى يقولى مدير المستشفى عاوز يشوفني
دكتور صبري.....
أهلا يا دكتور ممدوح نورت الواحات لما بلغونى أنك وصلت قولت لازم اسلم عليك
أنا مش باجي هنا يوميآ زى ما أنت شايف يعتبر مافيش غير كشوفات عاديه وبس خلي بالك أهل القرية هنا غير أهل القاهرة هنا ناس بدائيه
دكتور ممدوح...
قولت له اة ما
أنا عرفت أن مافيش أى وسيله مواصلات هنا غير الحمير
دكتور صبري.....
أنا قصدى الناس هنا بتؤمن بالخرافات يعني مثلا ممنوع حد يخرج بالليل أحسن تنادي عليه النداهه
دكتور ممدوح..... نداهه
دكتور صبري.... تعالى اوريك حاجه
دكتور ممدوح.....
قومت وقفت جمبه كان بيبص من الشباك قالي شايف ايه قدامك
لقيت في أرض قدام المستشفى وبعد كدا مقاپر كبيرة امام المستشفى وع اليمين شوفت زى ترعه واضح أنها كبيرة بردو أنا مش عارف إزاى مشوفتش كل ده لما جيت امبارح
دكتور صبري....
الترعه دى كل فترة لازم يطلعوا منها راجل غريق ويصادف أنه يكون خارج بالليل ودايما الغريق راجل مش ست علشان كده قالوا إن في نداهه هى اللى بتنادى ع الرجاله مع أنى كذا مره اكون هنا واروح بالليل وعمري ما شوفت ولا سمعت حاجه بس هما مقتنعين بالتخاريف دى
دكتور ممدوح......
بصراحه أنا من طريقه كلام الكل أعتقد الموضوع أكبر من كدا بكتيررر
يتبع
ياتري فعلا في نداهه ولا مجرد اوهام وتخاريف
الكاتبه
رشا_منصور
اقبل يا ادمن
شبح_الليل_الحزين
الجزء الثاني
دكتور ممدوح.....
مقتنعتش بكلام الدكتور صبري خصوصا أنه مش بيجي المستشفى يوميآ وكمان بيمشي قبل العصر وأحيانا الظهر كمان لو كان صحيح مصدق أنها تخاريف ليه مش بيقعد ل بالليل علشان كده بصيت له وقولتله
ايه رأيك يا دكتور بما أنك تعرف البلد هنا نتمشي بالليل وتعرفني ع الشوارع والطرق والمحلات
دكتور صبري.....
ايه بالليل لأ لأ مش هينفع وكمان المحلات بتكون مقفوله وأنا عندى العيادة بتاعتي في بلد قريبه من هنا علشان كده مش بكون هنا بالليل يلا اسيبك بقي علشان متأخرش
دكتور ممدوح....
نبره صوته كانت واضحة جدا أنه بيحاول يخرج من الموقف بأى شكل وانه بيكدب وزى ما يكون خاېف
علشان كدا قررت اسأل محمد الممرض بعد ما اخلص شغلي
وفعلا بعد ما انتهيت من الكشف آخر مريض كانت الساعه لسه واحدة الظهر خدت محمد الممرض ع جنب وقولت له ايه حكايه النداهه دى
بصلي وقالي ما بلاش يا دكتور ربنا يجعل كلامنا خفيف عليها بس أنت مين اللي قالك
قولت له أنا مش مقتنع بكل ده اكيد في سبب علمي للي بيحصل ده بصراحه كدا أنا شكك أنه هيطلع زى الأفلام العربي بتاعة زمان وأن في قطاع طرق ولا تجار المخډرات هما اللى مدخلين الوهم في دماغكم علشان يعملوا أعمالهم المشپوهة من غير ما حد يعرف ولو حد شافهم بيرموا في الترعه ويقولوا النداهه وطبعا لأن مافيش ستات هنا بتخرج بالليل يبقي الرجاله بس اللى بيحصل فيها كدا وانتوا صدقتوا أن النداهه اللى بتعمل كده
محمد الممرض ....
هههههه خيالك واسع أوى يا دكتور ممدوح البلد هنا كلنا عارفين بعض واغني واحد هنا هو حضرة العمده أدهم السعدني وهو عنده حنطور وزريبه مواشي وأرض زراعية
وبقيت البلد اللى شغال حلاق ولا حداد أو نجار أو فلاح والبيوت هنا جمب بعض ومتجوزين من بعض علشان كده تلاقي كل أهل البلد عارفين الصغير والكبير يبقي اللى بتقول عليهم دول هيعشوا فين بينا من غير ما نعرفهم ولا حتى هيسرقوا مننا إيه
دكتور ممدوح.....
ع العموم الأيام جايه كتير وأنا لسه قدامي سنتين ومش همشي بقلم رشا منصور من هنا قبل ما أعرف اصل الحكايه دي
وقررت أنى اتغدي وانام علشان أسهر بالليل
وفعلا صحيت على رنه المنبه الساعه 8 بالليل وعملت ليا كوبايه شاى وطفيت النور وقعدت في الشباك ابص ع الترعه وفضلت لحد الساعه ما جت 11 وزهقت مافيش حاجه ظهرت قولت ياريتني كنت قعدت أراجع في كتبي شويه وبعدين ببص لقيت حد قاعد على طرف الترعه بس الدنيا ضلمه مش شايف كويس اذا كان راجل ولا ست
بصراحه عاوز أنزل لكن مخبيش عليكم خاېف يكون فعلا في عصابه ويطلعوا عليا وانا لوحدى
أنا هفضل أراقب من غير ما أعمل صوت يمكن أقدر افهم حاجه
ولقيت اللى قاعد ده مش بيتحرك خالص لحد ما الساعه جت 2 بعد نص الليل وأنا تعبت من القاعدة ومحتاج أنام الشغل هنا بيبتدي من 6 الصبح
محستش بنفسي إلا وأنا نايم وفجأة حسيت أن في حد بيحط ايده ع كتفي وبيقولى اصحي نام في سريرك
في البداية افتكرت أنه أبويا ما أنا لسه مش متعود على المكان وبعدين افتكرت أنى لوحدى في الاستراحه فتحت عيني فجأة وقومت مخضوض ملقتش أى حد في الاوضه
بس وأنا بحاول أقوم من الكرسي شوفت اللى كان قاعد عند الترعه بيبص عليا ولأن الفجر كان قرب والقمر كان بدر أخدت بالي أنه شاب
قولت في بالي الله يسامحك شكلك قاعد تصطاد طول الليل وأنا اللى افتكرتك النداهه اللى بيقولوا عليها
قومت نمت شويه وبعدين صحيت صليت وجهزت ونزلت تحت وأول ما نزلت شوفت عم بدوى جايب فطار للموظفين قولت له هو في محلات فاتحه بدري كدا قالي هنا من بعد صلاة الفجر الكل بيقعد اجبلك أكل
قولت له لأ أنا محتاج أخرج اعرف المكان واجيب بنفسي
عم بدوي ......
طيب
يا دكتور أنا جاى معاك أحسن تتوه في السكه
وخرجنا فعلا ولقيت مافيش محلات هنا كل واحد قاعد وقدامه فرشه وحاطط عليها خضار أو فاكهه واللى قاعد وبيعمل طعميه وبطاطس وقفت علشان اشتري الراجل بصلي كدا قالي أنت مش من بلدنا أنت مين
عم بدوي.....
ده الدكتور ممدوح دكتور المستشفى الجديد اللى جه من البندر اعرف شكله بقي
وده يا دكتور عمك حافظ أحسن واحد بتاع طمعيه في البلد لأن مافيش غيره أصلا
عم حافظ....
نورت بلدنا يا دكتور اتفضل أحلي طعميه وبطاطس وع حسابي المره دي
دكتور ممدوح تشكر يا راجل يا طيب يدوم الكرم
عم حافظ....
اوعي يابني تخرج بالليل وبالذات المستشفى قدام الترعه ربنا يحفظك وترجع ل أهلك بالسلامه
دكتور ممدوح....
بس أنا مش بصدق في
متابعة القراءة
