الليل الحزين
وبص ع الناس وقالهم اوعوا تسكتوا عن الظلم مهما كان الظالم قوى إلا أن ربنا أكبر واقوي منه وابتسم لنا واختفي
بصيت للناس وقولت اللى عنده جرار يجيبه يساعدنا نطلع الچثث من الترعه وبقيت الناس تعالوا نلم الچثثمع بعض لقيت عم عصام قالي
روح يابني انت ومحمد هاتوا اخوات حسن من المحطه هما مش هيعرفوا يجوا لوحدهم وأنا هبقي احصلكم ع بيت عتمان
وروحنا المحطه علشان نجيب أهل حسن ولقيت طفل صغير بيجري ع محمد وبيحضنه من رجله شاله وقالي اهو ده بقي إبن اسماء وضحك قولت له هو أنت بقي كلمة السر
فضلت متنح لها ولقيت محمد بيقولى اعرفك يا دكتور ممدوح اسراء أخت حسن الصغيرة
منطقتش أنا نسيت الكلام ومش قادر ابعد عيني عنها إلا لما لقيت قلم نازل ع وشي ببص لقيته حسن الصغير
اة ايدك بتوجع بتضربني ليه بصلي وبص ع اسراء ورجع نظره ليا تاني وقالي يلا ع بيت جدو عتمان
مشيت قدام أنا ومحمد والغلباوى الصغير صمم أن أنا اللي اشيله لما ركزت في ملامحه لقيته في شبه كبير من حسن
ولقيته بصلي وضحك
ووصلنا عند بيت عم عتمان أول ما دخلنا
لقيت حسن قدامى ولقيت الولد الصغير نزل من ايدي وجري ل عنده
وقالوا خالوا حبيبي ولقيت حسن بن عتمان بصلي وقالي عوزك يا ممدوح وخد معاه حسن الصغير ودخل في اوضه
اقعد يا ممدوح عاوزك في حاجه مهمه أنا الحمد لله اطمنت أنى قدرت ارفع رأس اخواتى البنات وأطمنت ع أختى اسماء بس فاضل اسراء وأنا عاوزك تتجوزها أنت راجل بمعنى الكلمه وأنا مش هلاقي احسن منك ل أختى وخلي بالك لو رفضت أنا مش هزعل منك بس ع الأقل توعدنى انك تخلي بالك منها لحد ما يجي لها ابن الحلال
دكتور ممدوح.....
قولت له آسف مكنش قصدى بس أنت عارف ظروفي هو ينفع اعمل خطوبه ولما ربنا يفرجها عليا اجيب شقه إيجار بس معلش اصبر عليا شويه وأنا معايا فلوس العمده هجيب لها بيهم الدبله وأن شاء الله هدخل جمعيه واجيب لها كل اللى تطلبه
ضحكت ع كلامه وقولت له أنا مش موافق على الخطوبه وشوفت الزعل بان عليه قولت له تعالى معايا
خرجت بره ولقيت عم عصام واقف مع اخواتى البنات وام محمد مرات عمي سعفان وبنتها سعاد وقولت لهم
دكتور ممدوح هيتجوز اسراء وهيعيشوا هنا في البيت ده وأنت يا محمد هتعيش مع اسماء ومرات عمي وسعاد في بيتك وهيفضل الباب بينكم مفتوح عيله واحده وأخوات ع طول قولت ايه يا اسراء لقيتها اتكسفت وسكتت
قولت ايه يا دكتور ممدوح
دكتور ممدوح.....
أقول نقرأ الفاتحه وحد يسمعني زغروطه يا جدعان وحسيت أنى طاير من الفرحه بين لحظه والتانيه ربنا غير الحال كنت من كام يوم متوقع السچن أو أقل حاجه يدخلونى مستشفى المجانين
وانهاردة أنا عريس ل أجمل بنت شافتها عنيا وهتجوز في بيت مفروش بأفخم أثاث وهعيش مع ناس مشوفتش أطيب منهم اتصلت على أبويا وحكيت له ع كل حاجه حصلت فرح أوى وقالي من بكره هكون عندك
وبعد اسبوع كنا جهزنا للفرح وكل أهل البلد كانوا فرحانين بينا أوى وأنا الوحيد اللي استلم عروسته من الاشباح أبوها وعمها وأخوها واختها هناء كانت ماسكه لها الطرحه
واللى حصل في البلد اصبح عبره لكل ظالم
وقررت اغير من حال أهل البلد الغلابه
وقدمت طلب للمحافظه والحمد لله اتوافق عليه
واخدت بيت العمدة وعملته مدرسة علشان ميبقاش في حد جاهل تاني في البلد وسلمت مرات العمدة ارضها وكل ممتلكات العمدة ميعادا البيت وسفرت تعيش عند أهلها
واخدت بيت شيخ البلد ولقيته عامل الدور الارضي مخزن كبير مليان رز وقمح ومحاصيل كتير ده غير زريبه بهايم والسطوح كله كان مليان طيور
قررت اخده وفتحته مطعم كبير يقدم أكل لكل محتاج وشغلت فيه ناس كتير والناس المقتدرة كانت بتدفع تمن الوجبات بأجر رمزى
واما عم عصام بقي اخد قطعه ارض وعملها مشغل ومصنع ملابس وشغل الناس
والحمد لله البلد تحسنت أحوالها وأنا قررت استقر فيها
والمستشفى بقت شغاله صبح وليل
وبعد مرور خمس سنين
راجع من الشغل وبفتح الباب يا اسراء انتى فين جبتلك كل الطلبات لقيتها بتجري وراء أحمد
مسكته وقولت له أنت عملت كارثه ايه المره دي
قالي يا بابا أنا كنت بلعب مع خالوا حسن وماما زعقت ليا
ممدوح....
منتهي البراءة تنفع ممثل قول الحقيقة قالي اخدت الأكل وطلعته للفراخ فوق علشان ماما تسيبني أكمل لعب مع خالوا بس هى شافت الطبق عند العشه وعرفت
قولت له أنت عارف أنك غلطت ولا لأ
أحمد عارف يا بابا أنا آسف
ممدوح وناوى بعد كدا تعمل ايه
احمد هشيل الطبق من جنب العشه وانزله هنا واقعد جنبه علشان ماما تعرف أنى كلت
ممدوح
إسراء ..... فضلت اضحك ع كلام احمد ابني وع منظر ممدوح وهو مصډوم
مكنش يعرف أن الواد طالع ل خاله
حسن بن عتمان
وهنا نقول سلام انتهت قصتنا قوام أتمني أن تكون عجبتكم منتظرة رأيكم في التعليقات
يلا اسيبكم أصل ابتديت اكتب في قصه جديده
يا تري مستعدين ولااااااااا
الكاتبه
رشا_منصور
