الليل الحزين
المحتويات
في البلد يبقي ساعتها هيصدق أن حسن اللي قالي ممممم ع العموم أنا مش محتاج غير طرف الخيط اللى ابدء منه الفكرة ونمت وصحيت تاني يوم الصبح ونزلت ل حجرة الكشف واتفاجأت بوجود أبو محمود واقف في وسط الناس قولت له ايه اللى جابك أنا كنت ناوي اعدى عليك انهاردة بالليل لقيت الناس كلها بتبصلي ولقيت أبو محمود بيقولى والله يا دكتور أنا مش مصدق أنك واقف قدامي بعد ما مشيت من بيتي في نص الليل
نديت ع محمد الممرض.....
قولت له أنت ايه اللي قولته للناس ده إذا كنت أنت بتروح من قبل العصر يبقي عرفت منين أنى بخرج بالليل وبقعد قدام المستشفى بصلي وقالي بقلم رشا منصور وغلاوة إبن اسماء أنا معرفش أنا قولت اللى اطلب منى اقوله وبس
قالي أنا واحد متجوز وعندى عيال وشقتي في المركز مش هنا وع ما بوصل لهم ونتغدى والعب مع العيال شويه والحق أنام علشان اكون هنا قبل الساعه 6 الصبح قولت له ما كنت قعدت هنا أحسن مدام أهلك هنا قالي أن شاء الله فرج ربنا قريب سلام يا دكتور....
يتبع....
الكاتبه
رشا_منصور
الجزء السابع
شبح_الليل_الحزين
بعد ما الكل مشي وطلعت الاستراحه وكلت ونمت شويه صحيت الساعه 9 بالليل وأنا الفكرة استوت
في دماغي قررت أنزل واكلم حسن أول ما نزلت من الاستراحه لقيت عم بدوى التمرجي قاعد تحت وبيتفرج ع التليفزيون ومعاه عمال النظافة والامن قولت لهم بصوت عالي أنا خارج شويه اوعي حد يقفل الباب وأنا بره كلهم بصوا لبعض قولولي خارج فين يا دكتور مش معنى أن ربنا نجاك مرة أنك تجازف تانى ضحكت ومشيت وأنا عند البوابه الخارجية شوفتهم واقفين في الشباك قولت أكمل مش واروح عند أبو محمود لحد ما يدخلوا جوه وبعدين أرجع أكلم حسن ومنها بردو أكدت قدام الكل أنى بخرج بالليل عادى وروحت عند أبو محمود بحجه أنى بطمن ع ابنه مع أني عارف أنه بقي كويس خلاص وصمم يعزمنى ع العشا بس أنا رفضت وقولت له بقلم رشا منصور كفايه كوبايه شاى وبعدها خرجت وبردو أبو محمود بيبص عليا من الشباك ولحد ما وصلت عند الترعه وقفت عند الشجرة الكبيرة قولت علشان محدش يشوفني ولا من المستشفى ولا أى حد من الأهالي يكون باصص من الشبابيك ونديت ع حسن بن عتمان تلات مرات وبصيت ع الترعه لقيت هناء طلعت ليا وبتضحكلي
دكتور ممدوح....
تمام الحمد لله أنا هحتاج منك خدمه لو عملتيها هقدر أنفذ طلب اخوكى حسن بسهوله
هناء...... أنا موافقه ع أى حاجة تطلبها
دكتور ممدوح.....
قولت لها ع طلبي وهى قالت ليا أنها مستعدة لو ده هيخلي حسن يوصل لهدفه وبعدها حسن ظهر وقالي
معلش يا دكتور اتأخرت عليك بس أنا سمعت طلبك من هناء وتقريبا كدا فهمت اللي في دماغك
حسن.....
أنا كنت عاوز أسهل عليك الموضوع علشان لما تقول للناس أى حاجة يصدقوك ويسمعوا كلامك
دكتور ممدوح.....
تمام وده اللى أنا هحاول اكدوا بس أهم حاجه هناء تظهر بالشكل اللي اتفقنا عليه فاهمني
حسن....
دى حاجه بسيطه جدا ولو عاوز كمان اهالينا اللي في المقاپر يظهروا لهم مافيش مشكله
دكتور ممدوح.....
لأ أنت كدا مش هتخوف أهل البلد أنت هتخوفني أنا خلي اقتراحك ده ينفع في بيت الړعب
حسن..... ناوى تبتدي من أمتي
دكتور ممدوح ....
فى أى لحظه الاقي فرصة هنفذ ع طول وزى ما اتفقنا كلمه السر سيدي المغازي وأنا هفهم محمد الممرض دوره وانت من ناحيتك خليه ينفذ من غير ما يسأل عن أى تفاصيل
حسن..... اطمن هو هيساعدك من غير ما يسألك
دكتور ممدوح......
ببص لقيت حد قرب من شباك المستشفى قولت له اختفي أنت دلوقتي يا هناء اظهري بسرعه زى ما فهمتك
وفعلا لقيت اللى وقف نادى ع الكل وأنا عملت نفسي كأني بقول تعويذة وأول ما اتأكدت أن كلهم شايفين اللى بيحصل قولت لها انزلى الميه ببطئ وفعلا نفذت وروحت ماشي في إتجاه المستشفى بقلم رشا منصور بكل ثقه ولقيتهم كلهم واقفين في الريسبشن اللى جري ووطى ع ايدي باسها ويقولى بركاتك يا دكتور واللى يقول أنت مخاوى واللى يقولى أنت لك في السحر قولت لهم أنا تعبان وعاوز انام وطلعت وسيبتهم وأنا واثق أن كل اللى حصل هيتحكي لكل أهل البلد وده اللى أنا عاوزة وتعتمد تانى يوم أنزل الساعه 7 علشان يكون كل أهل البلد تحت أصل انهاردة يوم التطعيمات ومافيش فرصه أحسن من كدا ومجرد ما نزلت لقيت الكل سكت وبيبصلي والتمرجي جالي اجيبلك فطار يا دكتور قولت له لأ أنا عاوز شاى ويلا دخلي الناس بالدور
مش قادر اوصفلكم اللى حصل كل واحد داخل واللى معاه فطير واللى جايبلي قشطه واللى جايبلي بيض ولقيت مرة واحدة الغفير داخل عليا بيضربلي تعظيم سلام وبيقولى يا سعادة البيه الدكتور حضرت جناب العمدة عازم حضرتك ع الغدى وهيبعت لك الحنطور الساعه 3 العصر
قولت له تمام بلغه أنى متشكر جدا وقبلت العزومه
ومشي وطبعا كل ده ع مسمع كل أهل البلد وبيني وبين نفسي قولت سبحان الله الموضوع ده شكله جه رزق ليا فطير وقشطه وبيض وكمان في غداء احمدك يارب أنت عالم بالحال خلصت الكشوفات ع الساعه 2 طلعت أخدت شاور وجهزت ونزلت قعدت عند الترعه كنت قاصد لأن كان في ناس من أهل البلد واقفين زى ما يكونوا بيراقبوا وعاوزين يعرفوا ايه اللى بيحصل
ووصل الحنطور بقلم رشا منصورووقف ع جنب بعيد عن الترعه ضحكت وقولت له واقف بعيد ليه قالي يابيه أنا عندي عيال ربنا يجعل كلامنا خفيف عليها قولت له مدام أنت معايا متخفش قالي الامر ميطمنش بردو يابيه استغليت الناس اللى واقفه وشديته وروحت عند الترعه وقولت اطلعي بشكلك الحقيقي يا جنيه الميه
ظهرت هناء بشكل مرعب خليتني اټفزعت منها لدرجه أنا والغفير كنا ماسكين في بعض وبعدين لقيت الناس بتصوت روحت وقفت وشاورت لها وقولت بحق بركه سيدي المغازي هذا الرجل في أمان طول ما هو معي ولكي
السمع وعليكي الطاعه وهذا الأمر ينفذ في الحال
قالت بصوت مخيف السمع والطاعة
واجب النفاذ في الحال واختفت قولت له أيه رأيك لسه خاېف بس خلي بالك اوعى تيجي لوحدك بالليل لازم أكون معاك قالي هو أنا بعد ما شوفتها معقول اجي برجلي تاني هنا ده أنا قطعت الخلف من منظرها قولت له ع فكره كدا هتزعل منك قالي لأ لأ مدد مدد وطلع يجري وساب الحنطور
قولت له الله يهبلك اروح ازاى للعمدة دلوقتي لقيت محمد الممرض قالي تعالي يا دكتور ممدوح وطلع الحنطور وعلااااا صوته وقال هو أنا أطول اشتغل لك سواق حنطور ده أنت بركه ارزقني البركه يا دكتور علشان أعرف أرجع تاني المستشفى
روحت حطيت ايدي ع رأسه وقولت له ع خيرة الله أنا راضي عنك ومشينا وكل هذا تحت أعين أهل البلد وبقيت ماشي اضحك ع كل اللى حصل بس لازم اكمل للنهايه ..... يتبع
الكاتبه
رشا_منصور
الجزء الثامن
شبح_الليل_الحزين
أول ما وصلت لبيت العمدة لقيته بيت كبير له جنينه وفي برجوله وقاعدة كراسي ولقيت ابن العمدة قاعد يشرب شيشة ومعاه واحد اظاهر صاحبه وفى واحد قاعد على الأرض بيعمل لهم الشاى أول ما وصلت لقيته وقف وجه عليا ويسلم ويقولى مرحب يا دكتور بقلم رشا منصورحصلت لنا البركه كلها
دكتور ممدوح.....
مرحب بك يا استاذ عصام معلش الغفير بتاعك خاف وجري ف طلبت محمد يوصلني أنا لسه جديد ومعرفش الطريق
عصام ابن العمدة..... خاف من ايه
دكتور ممدوح.....
ابدأ اصله خاف من النداهه لما شافها واقفه بتكلمني معذور كان الله في عونه
عصام ابن العمدة.....
أنت بتقول إيه أنت بتكلم النداهه وازاى ظهرت بالنهار وازاى سيباك عايش
دكتور ممدوح.....
هاهاها أنا غيركم المهم ايه هو مافيش غداء ولا دى كانت عزومه مركبيه
عصام ابن العمدة.....
لأ لأ ازاى اتفضل يا ماجد تعالي
اعرفك يا دكتور ممدوح ع ماجد بن خالي بن المأمور ما المأمور يبقي خالي
دكتور ممدوح.....
هنا افتكرت كلام حسن وازاى لما راح للمأمور هو عذبهم وضربهم اكتر
دلوقتي فهمت لأنه العمدة متجوز أخته بصيت وسلمت عليه ولقيت ماجد بيقولى بما انك تقدر تمشي في البلد بالليل تبقي أسهر معانا إحنا شباب زى بعض وكل اللى يخطر في بالك هتلاقيه ....
اتغظت منه لأني فهمت تلميحه قولت له أن شاء الله بس مش انهاردة خليها في يوم تاني ودخلت جوه معاهم علشان اقابل العمدةبقلم رشا منصور ولقيته قاعد ومعاه واحد عرفت أنه شيخ البلد وأحنا واقفين ولسه بسلم عليهم دخل الغفير وهو بينهج وبيقولوا الحقني يا عمده أنا شوفت النداهه الدكتور كلمها قدامي شكلها يرعب يا عمده والكل الناس شافتها
عصام ابن العمدة.....
أنت إزاى يا متخلف تجري وتسيب الدكتور من غير ما توصله
الغفير.....
والله يا عصام بيه من اللى شوفته وسمعته محستش بنفسي سامحنى يا دكتور ممدوح بالله عليك ما تزعل مني بركاتك يا دكتور متخليش النداهه تغضب عليا
دكتور ممدوح.....
لما توصلني أنا هخليك تروح في أمان مدام معايا متخافش كنت بكلمه والعمده وشيخ البلد مركزين معايا وبعدين العمدة قالوا امشي روح قولهم يجهزوا الغداء نورتنا ونورت بلدنا يا دكتور أنا لما سمعت أن في دكتور جاى من البندر صممت اعزمك واتشرف بك بس لولا أنى كنت تعبان اليومين اللى فاتوا كان زمانك جاتلي من أول يوم وصلت فيه
قولت له تتعب وأنا موجود ده كلام قولى عندك ايه وان شاء الله دواءك عندى
العمدة ..... بعد الغداء لنا كلام
متابعة القراءة
