الصفق الرابحة هاجر نورالدين

_ وإنت بقى شايف اللقطة اللي عملتها دي هتاكل معايا
إتكلم بهدوء وتحدي وقال
ومتاكلش ليه صايمة مثلا
بصيتله بملل وإستحقار بسبب الألشة اللي لسة قايلها واللي لو مكانش يعز عليا كان ممكن أعمله عاهة بسببها عادي إتكلم قاسم من تاني وقال بجدية
_ بتكلم بجد يا ورد دي مكانتش لقطة دي كانت حقيقة.
ربعت إيدي وأنا باصة على الطربيزة اللي قاعدين عليها في الكافيه وإستنيت لحد ما الويتر حط المشروبات قدامنا وقولت بعد تنهيدة
طيب بص يا قاسم أنا وإنت عارفين كويس إنك مش بتحبني ف ممكن نقصر الطريق على بعض وتقولي إي غرضك الأساسي من طلبك للزواج مني وسط العيلة كلها
إبتسم وبعدين إتعدل في قعدته بعد ما كان ساند بإيديه على الطربيزة رجع ضهره لورا وقال
_ يعجبني فيك نباهتك بصي وبصراحة يعني وعارف إنكم محتاجين الفلوس أوي في الفترة دي ف أنا هعمل معاك ديل حلو توافقي تتجوزيني عشان أقهر خالد قصاد 2 مليون جنيه.
إبتسمت بسخرية على الثقة اللي بيتكلم بيها وقولت وأنا حاسة پقهرة وۏجع في قلبي اللي في يوم من الأيام حبه
وأنا مش سلعة يا قاسم حتى لو هتسد ديون أهلي كلها واللي هما بالمناسبة أهلك برضوا ولا أبويا دا مش عمك ولا إي
إتكلم بلا مبالاة وهو بيشرب من الكابتشينو بتاعه وقال
_ مش قريب منكم أوي زي ما إنت عارفة وشايفة أنا شهر ببقى هنا باقي السنة ببقى برا ف مش فارق معايا العيلة أوي.
ربعت إيدي وقولت پغضب طفيف بحاول أتحكم فيه
وأنا مش فارق معايا خالص فلوسك ولا عرضك وأنا مش محتوى ولا أداة تضايق بيها واحد شايف إنه أحسن وأنجخ منك برغم السفر برا والبلا بلا بلا بتاعتك وأقترح عليك تتعالج ياريت يا قاسم.
سيبته بعدها وخدت شنطتي ومشيت وسط نظراته المصډومة واللي مش عارف يعلق ولا يرد بيها عليا بعد شوية وقت وسرحان رجعت البيت وأنا حاسة إني مرهقة مش جسديا على قد ما أنا مرهقة ومستنزفة عاطفيا.
قاسم لحد من حوالي سنة وشوية كان جوايا مشاعر ناحيته كان شخص طيب وجميل وبيحب كل الناس ومش بيحب حد يشيل منه ولكن لحد الوقت دا بدأ يتغير واحدة واحدة لحد ما بقى بطباع جديدة وكذا حد بما فيهم أنا حاولنا معاه ولكن هو حابب شخصيته كدا بأفعاله.
بدأت مشاعري تقل من ناحيته شوية شوية لحد ما حسيتها إختفت أصلا وبقت مجرد معزة وعشرة بس ولكن بعد حوار النهاردا أنا حاسة إن حتى دول ممكن مبقاش عليهم.
دخلت أوضتي ورميت نفسي على السرير وأنا باصة للسقف ولكن قومت بسرعة وأنا بجمع الكلام تاني وقولت بإستغراب
_ عايزني عشان يقهر خالد!
طيب خالد ماله بالموضوع أصلا وماله بيا!
فضلت شوية متنحة لحد ما ماما دخلت وقعدت