الرابع والعشرون جمر الجليد الجزء الثالث حصري بقلم شروق مصطفى

جديد لذا تنهد بعمق وألقى بتلك الأفكار خلفه ثم تابع عمله.
داخل غرفة العمليات مر أكثر من خمس ساعات والجميع يرتكز أمام الباب المغلق يتأهبون للحظة خروجه أو فتحه من قبل أحد الأطباء. كانت سيلا إلى جوار عاصم تمسك بكفيه تبث فيهما شيئا من الأمان والقوة لما يحدث في الداخل بينما وليد بجانبهما لم يفارقهما منذ البداية.
لم يحتمل عاصم الجلوس أكثر فنهض وبدأ يسارع الخطى ذهابا وإيابا بتوتر بالغ يتمتم مناجيا ربه
يارب اوقف معانا يا رب ونجيه ماليش غيره في الدنيا... يا رب انت اللي عالم بينا عارف إنه ابتلاء عشان يخفف من اللي عمله في دنياه يا رب هو عبدك وتاب سامحه ورجعه شافي معافي يارب...
ظل يتمتم ويناجي فتقدمت إليه سيلا محاولة تهدئته
ربنا معاه دلوقتي ويخرج بخير تعالى اقعد هاتتعب كده انت.
مش قادر... حاسس إني أنا اللي جوه مش هاطمن غير لما أشوفه... يا رب يا لطيف الطف بينا يا رب...
جلست بجانب وليد وهتفت له بهدوء
حاول تقعده خاېفة عليه يوقع بجد... ده بقاله تلات أيام ما داقش النوم.
همس وليد ردا
مفيش فايدة... امبارح اتحايلت عليه يقوم ينام ساعة وقت ما كنتي بتعملي التحاليل وهو أبدا... عاصم العناد فيه مش هايهدى غير لما يخلصوا.
صمت للحظات ثم تذكر شيئا
إلا... نتيجة التحاليل بتاعتك والأشعة هتطلع إمتى
المفروض النهارده يا وليد والله مش عارفة إيه اللي بيحصل لنا ده...
هتف بها وليد پغضب
استغفري ربنا! إيه اللي بتقوليه ده! هتدخلي في إرادة ربنا ولا إيه! الحمد لله على كل شيء.
ونعم بالله... والله مش قصدي بس عاوزاك في حاجة يا وليد ممكن بعد إذنك... أنا بعتبرك زي أخويا بس عاوزاك تروح تشوف تحاليلي ولو لقيت فيها حاجة ما تقولش لعاصم... هو فيه اللي مكفيه كفاية عليه لحد كده... ومعتز يقوم لنا بالسلامة مش عاوزة صدمة. وأنا متأكدة من حالتي... على الأقل مش دلوقتي فهمني
كانت تنتظر منه وعدا رجاء بصمتها المتوسل حتى حمدت الله على قبوله في النهاية حين هز رأسه موافقا بصمت. ابتسمت له شاكرة
شكرا يا وليد.
نهض من أمامها متجها إلى الطبيب المسؤول عن التحاليل يسأل عن النتائج وقد وضع يده على صدره يحاول تهدئة قلبه المضطرب...
....
خرج طاقم الأطباء أخيرا بعد أكثر من ست ساعات قضوها داخل غرفة العمليات. ركض عاصم نحو الطبيب يهتف بلهفة واضحة نطقت بها عيناه قبل لسانه. فبادره الطبيب بهدوء
الحوار مترجم لقد بذلنا أقصى ما بوسعنا لإزالة التورم خاصة أنه كان بالقرب من منطقة شديدة الحساسية. ادعوا له أن تمر الثلاثة والسبعون ساعة القادمة بسلام حينها يمكننا القول إنه تجاوز مرحلة الخطړ. بعدها سأتابع معكم التعليمات التي سنسير عليها. ادعوا له.
غادر الطبيب تاركا خلفه جسدا