رواية جديدة
المحتويات
وحطت ايدها تحت دقنها
دانه بلبله ضحكت يبقي الفكره عجبتها
نبيله شوفي هي عجبتني و مخدتش بالي انها مش السفره اصلا بس ودين محمد لو ما رجعت سفرتي بعد العزومه مكانها لا هنروقوا علي الكل وانتي اولهم
دانه لا متقلقيش هنرجع كل حاجه مكانها
زكريا هنرجعولك كل حاجه متقلقيش
نبيله ماشي وعموما جدعه يا بت
حسن جدعه يا بت!!
نبيله وانت بتتحشر ليه يا ناقص
دانه أحسن يا فتان
دره جبته لروحك اشرب بقي
حسن يعني الحق عليا خاېف علي بيتك
عبدالله علي فركه يا بلبله الولا ده كان
بيساعدنا
حسن مانا ساعدتها عشان اقنعتني بس لازم نقول لبلبله عشان تعرف ان وراها رجاله
عبدالله رجاله خايبه غور ياولا من قدامي عيل فتان
دره بأبتسامه جميله تصدقي يا بلبله ان مجاش في بالي خالص ان دارين ورثت منك موضوع تزيين التورت ده
دارين لا دارين ايه دي بلبله بجد شكلها بتحب الموضوع ده اوي
ديما بصراحه ايوه التورته بدأ شكلها يظهر
نبيله زمان كان نفسي افتح محل للتورت والجاتوهات امي كانت شاطره اوي في عمايل الكيك كانت تعمله هي وانا اقوم ازينه بأي حاجه موجوده في الاول مكانش بيطلع حلو اوي بس مهما كان شكل الحاجه اللي بتعمليها حتي لو مش احسن حاجه بتفرحي وبتحسي انك عملتي أنجاز كبير امي كانت تقعد تطبلي وتقولي حلوه ومفيش بعد كده كنت بنفرح وبنصدقها كلام امي اللي خلاني نحب الموضوع اكتر وطلبت منها تعلمني الكيك بيتعمل ازاي بوظته مرتين والشهاده لله عمرها ما اضايقت كانت تقولي عادي لازم تبوظي عشان تعرفي تظبطي ايدك بعد كده كانت تقولي ان الوصفه لما تتقالك وتنفذيها مش شرط تظبط معاكي زي ما ظبطت مع غيرك ممكن تطلع معايا مظبوطه ومعاكي لا عشان كل واحد
فينا ايده ميزان وعينه ميزان مكانتش عمرها تحب تمشي علي مقادير وانا طلعت زيها واغلب الستات طلعوا كده عيننا ميزان ومقدار نعرفوا نظبطوا بيه الوصفه حببتني في المطبخ اوي وكانت ديما تشجعني
دانه طيب ليه معملتيش المحل اللي كان نفسك فيه
نبيله لما بدأت ابقي خبره في الموضوع ده عرفت جدكم وحبيته وبعدها اتجوزنا واتلهيت في الجواز وشلت الموضوع من دماغي وبقيت اعمل كل حاجه بس في البيت ومع حبايبي بس اول تورته عملتها بعد ما بقيت شاطره اوي وكانت بالنسبالي اهم تورتايه هي بتاعت عبدالله لما تم السنه
ديما طيب حضرتك قولتي انك معملتيش بقالك كتير ليه
نبيله بأبتسامه حزن بصت لدره عادي لما دره اتجوزت وسافرت مفكرتش نعمل تاني ومن يومها عمري ما عملتها
دانه ومنستيش خالص الطريقه يا بلبله كأنك لسه
كنتي عملاها من قريب
نبيله اللي بيحب المطبخ يابت عمره ما بينسي تفاصيله المطبخ عموما كان تسليتي الوحيده كنت بنلاقي نفسي فيه اتعلمت كتير من امي بس بعد الجواز اتعلمت اكتر وبقيت نجرب وصفات جديده وعشان انا بنحبوا المطبخ بنعرف نعمل اي حاجه بس غلبت عشان اعلم امكم عمرها ما حبت تقف في المطبخ ابدا
نبيله اتوكسي هو الكام صنف اللي عرفاهم دول يخلوكي تبقي شيف
دره طب وليه الاحباط بس
نبيله الله مش بنقولوا الحقيقه البت دعاء اللي اتعلمت
مني وطاوعتني وبقت الله اكبر احسن مني
دعاء وانا نروح جنبك فين يا بلبله انا لحد الوقت بنسألك
دعاء صراحه اه كمان الوقفه مع بلبله في المطبخ مع حكايتها تخليكي واقفه مبسوطه وانتي بتعملي الاكل
دره طب يا اختي انتي وهي ربنا يهني سعيد بسعيده
نبيله بضحك اهي رجعت تغير تاني
دعاء طلعتلها لسانها بلبله قالت اني اشطر منك
دره اشبعوا ببعض يا اختي
نبيله بطلوا عراك وقولولي ايه رايكم كده
دانه تحفه بجد
ديما طيب ينفع نكتب هنا هابي بيرث داي هيما
نبيله دي تعويذه دي ولا ايه
دره يعني يوم ميلاد سعيد يا هيما
نبيله النبي عربي يا اختي انتي وهي وعموما حد يجي يكتب تعالي يا دره اكتبي
دره ملاقتيش غيري انا دكتوره وربنا يبعد عنك خط الدكاترهدارين خطها حلو
دارين انا هكتب يا بلبله
مر الوقت بسرعه بينهم خلصوا كل حاجه والاكل بقي جاهز والكل كان في انتظارهم
طلعت دره والبنات يغيروا هدومهم ويلبسوا
ودعاء كمان طلعت تجهز
بعد حوالي ساعه نزلوا كلهم وشويه وسمعوا الباب بيخبط عرفوا انهم وصلوا
دره قلبها دق اول ما الجرس دق اول مره كرم هيدخل البيت بعد سنين اخر مره ډخله لما حصلت الحريقه وقبلها بعد ما وصلت بيوم وكان واقف يهددها
اما دارين حالها مكانش يختلف عن دره متلغبطه مش عارفه ازاي هتبص لهيما بس لازم تعمل زي ما دره قالتلها وتحاول تعدي الموقف ومتهربش
اما دانه فاكانت اول مره تحس ان وجود محمد فارق معاها نظرتها ليه في الاول كانت عاديه مجرد صحاب وزمايل بتربطهم علاقه العيله ببعضها لكن من اخر موقف حصل بينهم في الجامعه بدأت تحس بحاجه غريبه جواها
راح عبدالله وزكريا وقفوا علي الباب عشان يستقبلوهم
فتح عبدالله الباب اول حد كان واقف نجوي وجنبها مها
زكريا اهلا اهلا ايه النور ده كله
نجوي ده نورك يا معلم
نبيله يا الف خطوه عزيزه يا نوجا
عبدالله ازيك يا مها عامله ايه
مها ازيك انت يا عبدالله
عبدالله الحمد لله يا اختي
مها ازك يابا
زكريا اهلا بالمجنونه بتاعتنا باسها زكريا بحب وطبطب علي ضهرها
رفاعي احمممم سلام عليكم
زكريا وعليكم السلااااام يا غالي
سلموا علي بعض بحب
زكريا البيت نور يا رفاعي
رفاعي طول عمره منور بأصحابه ازيك يا عبدالله
عبدالله بخير عشان شوفتك يابا
زكريا ادخل يا رفاعي يا مرحب
كرم كان واقف اخر واحد هادي ورافع حاجبه كالعاده
زكريا اهلا بأبو العيال
بكر بابتسامه اهلا بيك يا عمي حضنه بكر وسلم عليه
عبدالله نورت يا صاحبي
بكر بنورك يا عبدالله سلموا علي بعض وكانوا بيدخلوا يسلموا علي الباقي
دره وحشتيني يا نوجا
نجوي انتي اكتر يا دره عامله ايه
دره الحمد لله يا حبيبتي ايه اللي جاب البت رخمه دي معاكي
نجوي بضحك هنعملوا ايه قدرك وقدري
مها علي قلبك يا اختي مش هتعرفي تخلعي مني
دره رخممممه
مها بضحك طب هاتي بوسه
ضحكت دره وخدتها في حضنها وبعدين البنات سلموا عليهم
دخل الشباب بعد ما سلموا علي عبدالله وزكريا
دارين عينها كانت من بعيد علي هيما وبتحاول عشنها متجيش في عينه
دخل كرم اخر واحد وابتسم لزكريا
زكريا نورت بيتك يا ابني
كرم منور بيك يابا سلموا علي بعض
طبطب علي ضهره زكريا بحب
عبدالله يا مرحب يا صاحبي والله زمان
كرم بابتسامه هاديه وجميله با مرحب بيك يا صاحبي حضنوا بعض بحب وبعدين قفل عبدالله الباب
نبيله بصت لكرم وغمزتله بأبتسامه حب ده ايه النور اللي نور بيتي ده ياولا
كرم بابتسامه واسعه وجميله بصوت واطي ياوليه اتلمي جوزك واقف
نبيله بشهقه الله ما يقف واحنا بيهمنا هات بوسه ياولا
كرم بضحك كمان بوسه ناويه علي طلاق انتي يا بلبله
نبيله ميقدرش بېموت فيا
كرم كله الا الخيانه يا بلبله هيرميكي في الشارع
نبيله بضحك مش شقتك فاضيه ياولا
كرم كمان شقتي طب وطي صوتك بدل ما نتروقوا انا وانتي
ضحكت نبيله وخدته في حضنها بحب
بكر عامله ايه يا دره
دره الحمد لله يا بكر بخير
دعاء ياولا طب سلم عليا وانا شفافه
مها حتي اخوكي يابت مش بيطيقك
بكر بضحك منقدرش دي مجنونه وعايزه توقع بينا تعلي يابت
مها اشبعوا ببعض يا اخويا
دعاء بضحك يابت انتي علي طول حطاني في دماغك ليه ده انا بنحبك
مها بابتسامه طب تعالي يابت في حضڼي
دعاء ايوه كده اتعدلي
سلم الشباب علي البنات
هيما ازيك يا دانه
دانه الحمد لله انت اخبارك ايه
هيما بخير قرب من دارين كانت عينها زايغه واريحه جايه بتبتسم عشان تبان عاديه لكن كان باين علي وشها انها مش علي بعضها
هيما ازيك يا دارين
دارين مدت ايدها بسرعه ابتسمت بتوتر وبعدين بعدت عينها وسحبت ايدها بسرعه الحمد لله يا هيما
حسن احيه علي التيشرتات الجامده يا عم
محمد ايه رايك
حسن جاحد جبته امته ده
احمد بضحك انت مسطول يا حسن
محمد متردش عليه ده عيل دماغه مسوحاه
حسن بضحك في ايه هو قديم ولا ايه
محمد ياجدع احنا كنا شارينه مع بعض اخر مره نزلنا نشتري لبس
احمد وانت اللي قولتله اللون ده احلي
حسن بضحك ودين محمد ما فاكر
هيما ھموت واعرف الصنف اللي بتاخده
حسن مالراحه شويه يا عم هيماااا بلاش انت ده انت علي طول عامل دماغ مع روحك
هيما بابتسامه مالك ومالي الوقت لما نتغابي عليك بټعيط
حسن لا خلاص قلبك ابيض
سابهم حسن وقرب من مها وهي واقفه معاهم
حسن اللي مجرساني و ڤضحاني في بحري كلها علي حتت طبق صغير
مها بضحك ده اقل واجب يا ولا يعني يرضيك تبوظلي الطقم
حسن ودي تيجي انتي الطبق يرجعلك وتفضلي بردوا تجرسي فيا
بكر انت رجعتلها الطبق
حسن ودين محمد رجعته وهي مش مبطله فضايح
محا ياولا بنحبوا ننكشك انت واللي ما تتسمي امك
دعاء مالك ومال اللي ماتتسمي الوقت
قرب كرم منهم وحاول ميرخمش علي دره عشان متتلغبطش قدام الكل
كرم ازيك يا دعاء
دعاء اهلا ازيك انت يا كرم منور
كرم ده نورك
حسن كيرو حبيبي واحشني
كرم ياولا انا طول الوقت قدامك انت هتصيع
حسن لا ما هو واحشني في البيت اكتر
كرم ماشي يا اخويا بص لدره بأبتسامه ازيك يا دكتوره
دره بأبتسامه بسيطه بخير يا كرم انت اخبارك ايه
كرم زي الفل الحمد لله
هربت دارين من وقفتها مع هيما والشباب وسلمت علي مها وبعدين سلمت علي كرم
دارين ازيك يا
كرم بابتسامه ما احنا اتفقنا بقي كرم او كيرو
دارين بأبتسامه ازيك يا كيرو
كرم الله يسلمك
نبيله انتوا واقفين ليه ما تقعدوا ياجماعه الله ولا يا عبدالله انت مذنبهم ليه
عبدالله الله مش بيسلموا يا
بلبله
الكل سلم علي بعض وبعدين قعدوا
كرم قعد علي كرسي منفصل لوحدوا
كان حاسس انه متوتر عينه راحه جايه علي البيت بهدوء اشتاق للمكان اوي فات سنين كتير علي تجمعهم فضلت عينه تروح وتيجي علي المكان وعلي كل الموجودين كان حاطت صباعه الكبير بين شفايفه بيجز عليه بسنانه وأيده التانيه ساندها علي رجله و بيهز رجليه الاتنين شمال ويمين
دره كانت واقفه جنب كرسي مها وعينها رايحه جايه عليه من غير ما تحسس اي حد لكن كان في كذا عين عليها هي وكرم
نبيله انا مش عايزه نقدموا حاجه تشربوها عشان تعرفوا تاكلوا
نجوي هو احنا ضيوف يا بلبله
نبيله ضيوف ده ايه انتوا صحاب بيت
زكريا طب ايه يلا بقي جهزوا السفره انا ھنموت من الجوع واكيد الكل جاع
نبيله من عنيا حالا هيكون جاهز تعالي يا
متابعة القراءة
