رواية جديدة

انا يا دره لا ده شقايا وتعبي 
انتي عارفه اني اشتغلت وتعبت لحد ما وصلت للي انا فيه ده
دره ولما خدت مني كل حاجه مكانش شقايا وتعبي مش فلوسي دي اللي جيت في يوم حطتها تحت رجلك عشان تكبر اكتر وفرح الشكره الصغير بقي فرع كبير ليه اسمه والفرع بقي اتنين وتلاته بفضلي انا علييييك لما خدت مني كل حاجه مفكرتش انك بتسرق مني مجهود وتعب وشقي وغربه مفكرتش اني بعت الدنيا عشانك مفكرتش اني كنت حطاك في مكانه كبيره اكبر من قيمتك بكتير مفكرتش اني كنت مخلياك انت والبنات اهم حاجه عندي مفكرتش في التلات سنين اللي اتخليت فيهم عن شغلي عشان اقف جنبك وابقي ضهرك ونشتغل سوا واحنا كتفنا في كتف بعض عشان نكبر ونأمن مستقبل ولادنا مفكرتش اني اتخليت عن حلمي عشان اكبر حلمك كل ده محطتهوش قدامك لما روحت سمعت كلام واحده رخيصه و حطيت تحت رجلها حياتي وحيات بناتك استغليت التلات سنين دول اللي سيبت فيهم شغلي واتجوزت عليا مصعبش عليك بنتك يا قذذرررررر وهي شيفاك نايم مع واحده علي سرير امها وسامعه اصواتكم يا رخييييص كان كل اللي همك وقتها انها متقولش حاجه ليا لكن مهمكش ان ازاي تسمح لنفسك وتعدي ان بنتك شافت منظر قذر ويقرف زي ده

بصلها يوسف پصدمه وعرف ان دارين حكيتلها
دره مصعبتش عليك يا يوسف مصعبش عليك ان بنتك من خمس سنين يعني كانت اصغر منك تشوفك في منظر بشع زي ده يا شيخ ده انا لو اطول اقطع من لحمك وانت حي هعمل كده عشان الموقف ده بالذات عشان انتقم لبنتي انها شافت اسوأ موقف في حياتها
يوسف اااه دره انااا
انت تخرس خاااااالص واللي قولته مش هيتغير واوعي تفكر اني مش هقول لدينا عشان انت صعبان عليا لا خاااالص انا مش هقولها عشان توجعها وتاخد حقها بطريقتك القذره زي ما خدت حقي مني
يوسف بإرتباك ااااه طيب يعني وافرضي اني عملت اللي بتقولي عليه نصيبك في الشركات هتاخديه ازاي هتفضلي شريكتي ولا هتبيعي لاي حد
دره ميشرفنيش اني اكون شريكة واحد رخيص زيك بس هديك فرصه ملهاش وقت محدد يعني اعتبرها مده مفتوحه لحد ما تشوفلك شريك مناسب او تشتري كل الحصص بتاعتي
رفع يوسف راسه لفوق دماغه ھتنفجر ومش عارف يعمل ايه حاسس ان عقله وقف
لكن الصدمه الحقيقيه كانت من نصيب دره 
بكر وقف بإبتسامه كله تمام يا كبير 
حسن بإبتسامه قهوتك جاهزه يا سيد الناااس
سونه كله تحت السيطره يا معلم
كرم بإبتسامه الله ينور 
كرم قولتلك اني جنبك بس ودين محمد يا شبر ونص لا هنعلقك عالسيجاره اللي كانت في ايدك دي بتشربي سجاير يا
بت نبيله ده انا هننفخك
ابتسمت دره ڠصب عنها عينها كانت بتطلع قلوب من وسط صډمتها ومنطقتش 
سابها كرم وبعد عنها
كرم ايدك معايا يا ابو علي شيل التربيزه سونه فضيها من اللي عليها
سونه حال يا سيد الناس
شالت سونه هي وحسن كل حاجه وبعدين سحب كرم التربيزه بايده حطها
قدام يوسف اللي كان واقف متلجم 
وبكر وراء فطسان من الضحك
ودره مش عارفه ايه اللي بيحصل وواقفه مصدومه ومش بتنطق كانت مجرد متفرجه 
كرم احممم نبدأ اهم مشهد في العرض بيقولك بقي يا چو افندي
ان يا بخت اللي يعرف يخلع من تحت ايد كرم الرفاعي وانت بختك كان زي قلبك يا جدع
انت عارف بختك زي قلبك يعني ايه يعني بختك اسود ومهبب علي دماغك ان شاء الله ليه بقي قولي ليييييه 
بلع يوسف ريقه وهو باصصله ومش بينطق 
ابتسم كرم وغمزله
كرم قولتلي ليه هنقولك
اختفت ابتسامه كرم وبصله پغضب اصلك انت وقعت مع واحد اتنين في واحد يعني ايه اتنين في واحد تخيل انت كده انك تقع في ايد دكتور شغال جزار ما هي كده مهنه الجزاره بتخدم علي مهنه الطب ومهنه الطب بتخدم علي الجزاره الاتنين بيعرفوا يشفوا اللحم عن الجلد
وانت بقي مش معاك اي دكتور انت معاك واحد من اكبر جراحين مصر غموله وهو مبتسم قول ماشاء الله وصلي عالنبي في قلبك
ومش بس كده انت معاك جزار اتخن عجل فيكي يا مصر مياخدش في ايده ربع ساعه ثواني وبنخلي العجل اللي كان واقف حوالي 500 كيلو متقطع في شنط سوده وكل حته فيه متشفيه علي اصولها
وانا جاي انهارده اعملك عمليه صغيره اوي عمليه تخليك ماشي تتلفت وراك طول العمر وتفتكر انك جيت في يوم علي دره الجمال وانت بقي مش عارف يعني ايه دره الجمال عند كرم الرفاعي الست اللي انت عملت فيها كل ده تخصني واللي شيطانه يفكر يسوحه علي اللي يخص كرم الرفاعي يبقي دخل الڼار بأيده 
دره قالتلك ان شيطنها كافر وابن حرام
بس أنا بقي بنقولك ان لم حد يزعل دره او يدوس علي طرفها شيطاني بيحضر وانا بقي شيطاني ملهوش مله
كرم يابكررررررررررر خرج الحريم عشان ميصحش يطلعوا علي اسرار المړيض
يوسف اااا انت هتعمل ايه دررررره 
كرم خليك هادي امال متقلقش معاك دكتور تتلف ايده في حرير بس في مشكله صغيره اوي للأسف نسيت نجيبلك بنج
بس انت دكر وسندال هتستحمل مش كده ولا هتعيط زي المره
واه صحيح عندي عرضين يهمني انك تختار منهم دكتور كرم ميحبش لما يشتغل يشاركه في الشغل صاحب مهنه تانيه
والمعلم كرم لما بيشتغل هو كمان مبيحبش صاحب مهنه تانيه يشاركه فا انت اختار اللي يعملك العمليه البسيطه دي يكون دكتور كرم ولا المعلم كرم
حسن إبسط يا عم كرم الرفاعي بيضحي و مقدملك احلي عرضين
بس والنبي يا كيرو خدني معاك في العمليه دي وحسب ما الباشا يختار عايز انهي مهنه تقوم بعمليته لو الدكتور كرم هنبقي معاك ممرض ولو المعلم كرم هنبقي أجدعها صبي جزار
كرم وانا مش هنزعلك ياولا هتساعدني هاااااا اختارت ايه
يوسف ااا يا استاذ كرم ارجوك 
كرم لالا مليش انا في التدريس
يوسف ارجوك بلاش تهور انا هعمل اللي انتوا عايزينه
كرم انت كده كده هتعمل اللي دره قالت عليه دي مفيهاش كلام بس العمليه دي كادو ترحيب يعني مني ليك 
يوسف ارجوك انا مستعد اعمل اي حاجه الوقت و مش هخليكم تشوفوا وشي تاني ابدا دره ارجوكي قولي حاجه صدقيني هعمل اللي انتي عيزاه بس خليني امشي من هنا 
كرم انت مش هتمشي من هنا غير وچاك بيقول لدره أمين وكل حاجه رسمي بقت بتاعتها ورجعتلها
يوسف طيب اضمن منين انك مش هتأذيني بعد ما اعمل اللي دره عيزاه
كرم والله محدش يقدر يضمن اي حاجه بس عموما انا كلمتي معروفه ضمانها العمر كله مختومه بختم كرم الرفاعي بس جرب تقل عقلك معايا ومتبقاش تزعل
يوسف انا عايز ضمان اقوي من كلمتك
كرم يبقي مش هتلاقي يا حيلتها
اجهز يا حسن 
يوسف لا لا تمام تمام انا جاهز يا دره قوليلي طلباتك 
دره اول حاجه تمسك روحك كده وتتلم علي أعصابك شويه
بدل ما انت ھتموت

من العرب كده
تاني حاجه هتكلمه وهتقوله كل اللي هنقوله بس الاهم صوتك يبان طبيعي جدا وتقنعه بكل اللي هتقوله ومش بس كده تطمععوا
وتأكد عليه ميقولش حاجه لدينا
اولا هتصل عليه في الوقت ده چاك هيكون طلع المكتب عنده
هتقوله اللي هقوله ده بالحرف 
هتقوله دره هتشتري كل املاكي بمبلغ كبير و تطلب مني انه يبيعلي نصيبك في كل حاجه بصفته ينوب عنك في اي شئ وبصفه ان چاك ينوب عني في كل حاجه هيمضي ويخلص معاه كل حاجه دقايق بسيطه مش هتاخد الوقت و اكيد هيستغرب ويسأل ليه ومش بعيد يشك طبعا انت تشيل الشك ده في لحظه وتطمعوا وتطلب منه انه من بكره ينزل يدور علي مكان اكبر وافخم من اللي كنتوا فيه وتعرفوا ان الشغل اللي جاي اكبر بكتير والاهم تقوله ان دينا متعرفش اي حاجه لحد
ما تروح وتعرف هتعمل ايه معاها
يوسف حاضر طيب عايز الموبايل من جيبي
قربت منه دره خطوه بسرعه قبض كرم علي كف ايدها وبصلها وهو حاجبه مرفوع رجعت دره خطوه لوراء وراح علي كرم طلع الموابيل وبصله هتتكلم والصوت مفتوح
يوسف تمام
كرم مسجله ايه
يوسف طوني
جاب كرم اسمه وبص لدره كلمي چاك 
مسكت دره موبايلها واتصلت علي چاك 
چاك بلهفه ايوه يا دره
دره نفذ يا چاك 
چاك حالا
قفلت دره وبصت في الساعه هي عارفه مكان مكتب المستشار ومتخيله چاك واقف فين وفضلت تحسب الوقت اللي ممكن چاك يا خده نزل من العربيه راح علي المكتب طلع في الاسنسير ثواني بتمر خرج من الاسانسير ودخل المكتب طلب من السكرتيره انه يدخل لطوني استنت حوالي دقيقه دخل چاك مكتب طوني استنت ثواني كمان يكونوا رحبوا ببعض بصت لكرم وهزت راسها
هز كرم راسه وداس علي الرقم
كرم اجهز
ثواني ورد طوني 
طوني هاي چو
يوسف هاي طوني
طوني كنت لسه هكلمك چاك عندي
يوسف عارف اسمعني كويس يا طوني انا الوقت قاعد مع دره وعملنا مع بعض اتفاق كويس بالنسبالي دره عرضت عليا مبلغ خيالي في مقابل اني ارجعلها كل حاجه وحتي نصيبي هتشرتيه انا خدت منها ربع المبلغ وكل اللي عايزه منك الوقت حالا بالتوكيل اللي معاك چاك هيديلك ورق تمضي عليه كله بصفتك نائب بس اهم حاجه مش عايز دينا تعرف اي حاجه عن كلامي معاك لحد ما اجي واعرف هعمل معاها ايه ومن بكره يا طوني تحاول تشوف مكان يكون مقر للشركه مكان كبير وفخم عايزه يتوسط نيويورك
طوني انت متاكد يا چو
يوسف ايوه متأكد اعمل اللي بقولك عليه احنا هيحصل في شغلنا نقله كبيره اوي ونش عايز اي شريك معايا حتي لو دينا وطبعا انت هتفضل زي ما انت وهنعمل الشغل مع بعض
طوني ايوه بس دي مخاطره
يوسف اطمن دره جنبي والاتفاق بيني وبينها ساري خلص الورق و كلمني قولي كله تمام بعدها هاخد باقي المبلغ وانا علي الساعه سته مساءا هكون في الطياره وهعدي عليك تاني يوم في المكتب ونتفق علي اللي هيتعمل كله 
طوني طيب اوك هخلص واكلمك
يوسف اوك في انتظارك
ققل كرم وفضلوا منتظرين وساكتين اكتر من نص ساعه
اتصل چاك علي دره ردت دره بسرعه
دره ايوه چاك 
چاك بإبتسامه مبروك دره
دره بإبتسامه متأكد من صحه الاوراق چاك
چاك كل حاجه تمام اطمني وكلها كام ساعه وكل الاوراق دي هتتوثق وتبقي مالكه رسميه لكل املاك يوسف بس في حاجه رصيد يوسف في البنك في مبلغ بسيط جدا
دره لحظه چاك بصت دره ليوسف پغضب الرصيد اللي في البنك فين
يوسف بتعب قبل ما اجي علي دبي بيوم كنت عندي سفريه لانجلترا بعمل شغل واكيد چاك عارف حاجه زي دي عشان هو اللي بلغ