رواية جديدة

شك يا ديما اكيد ده اللي هيحصل بس يكون في علمكم لازم تعرفوا ان لو في حد ضايق مامي مهما كان مين انا مش هسكت ابدا لاني مش هتحمل اشوف حد فيهم بيهين مامي واسكت
دارين دانه احنا مش رايحين نعمل مشاكل ونزود اللي بينهم اكتر
دانه امال نشوفهم بيزعلوا مامي ونسكت
دارين انا مقولتش كده بس كمان مش من حقنا نتدخل ومتنسيش يا دانه ان اللي بتتكلمي عنهم دول مامتها وبباها واخوها ومهما كان الخلاف بينهم بيتهيألي اكيد هيخلص بالعتاب

دانه اتمنى ده اللي يحصل يادارين
غمضت دره عينها وخدت نفس طويل وبعدين رسمت على وشها ابتسامه بسيطه
دره انا جيت اتأخرت عليكم 
دارين لا خالص يا مامي تعالي ارتاحي شويه بقى
دره جيبتلكم بقى نسكافيه وكرواسون ريحتهم تجنن يلا كلوا
خدت كل بنت كوبايه النسكافيه وبدأوا ياكلوا في صمت
شربت دره من النسكافيه وهي عينها رايحه جايه وجواها كلام عايزه تتكلم فيه معاهم
سابت من ايدها النسكافيه وفضلت ماسكه الكوبايه بين ايدها وهي عينها عليها وبعدين رفعت راسها ببطئ
دره احممم بنات انا عايزه اتكلم معاكم في حاجه
دارين خير يا مامي في ايه
دره يعني انا سمعتكم من غير قصد وانتوا بتتكلموا
بصوا البنات لبعض
دره انا حكيتلكم كتير عن امي وابويا واخويا وقولتلكم ان مفيش حد في طيبه قلبهم صدقوني لما قولتلكم كده مكنتش بكدب عليكم هما فعلا طيبين واحن حد ممكن تقابلوا في حياتكم يعني ناس كده مش موجودين الوقت ولو على اللي حاصل بينا من سنين يمكن يكون حقهم لاني زمان قررت اني ابعد عنهم واختار حياتي اه مكنتش قاصده البعد إلا لما هما رفضوا خالص جوازي من ابوكم بس كنت مضطره لاني عرفت ان وجودي وسطهم وهو في بينا خلاف مش هتبقى حاجه كويسه لا ليا ولا ليهم وبعدها فضلوا مقاطعيني بس ده مش معناه انهم وحشين صدقوني
انا واثقه من حبهم ليا فا عشان كده كل اللي طلباه منكم هو حاجه واحده وانا عارفه انكم هتقدروا تعملوها
دانه ايه هي يا مامي
دره لما نوصل يا دانه مهما حصل بينا مش عيزاكم تدخلوا ابدا مهما قالوا ومهما عملوا متدخلوش
بصتلها دانه بإحراج 
دانه مامي انا مكنتش اقصد انا بس
دره بمقاطعه عارفه يا دانه انك متقصديش وعارفه كمان انك بتحبيني بس زي ما انتي بتحبيني انا كمان بحبهم واكيد هزعل لو زعلتوهم انا عارفه يا حبيبه قلبي ان انتي واخواتك مش هتحبوا ابدا اني اتحط في موقف مش حلو بس سيبوني مني ليهم بلاش انتوا تكونوا طرف انا ربيتكم احسن تربيه مش عايزه حد يقول انكم واقفين قصاد جدكم وجدتكم وبتردوا عليهم
دارين مامي احنا مقدرين كل ده بس كمان احنا شايفين ان في ضغط كبير عليكي ومش حابين حد يزعلك
دره لو على الزعل يا دارين فا انا قلبي مليان واتعودت خلاص بس مهما حصل بيني وبينهم انا واثقه ان كل ده هيعدي دول عشرين سنه من الزعل يا دارين يعني يوم ما يحصل مواجهه اكيد مش هتبقى بسيطه سيبوني بس انا أحل كل حاجه ومهما سمعتوا متدخلوش اتفقنا
دارين حاضر يا مامي اتفقنا
دره ايه يا دانه انتي وديما
ديما حاضر يا مامي متقلقيش
دانه مش هدخل يا مامي اللي تشوفيه
دره بإبتسامه طيب يلا اشربوا 
مرت كام ساعه وبدأت مراسم الفرح الشارع أتملأ بالمعازيم و الشباب كلهم واقفين مستنين العريس والعروسه
عدى وقت بسيط ووصل العريس سمير وفي ايده عروسته والزفه بدأت الكل بيهني وبيبارك صوت الزغاريط مسمع الشارع مع الزفه والاغاني وبعد ما سلموا على الكل راحوا على الكوشه قعدوا وبدأ الفرح
في الوقت ده كان كرم لسه في شقته منزلش خرج من الحمام بعد ما خد شاور وبعدين راح وقف قدام المرايه واول ما عينه جات على اسمها اللي واشمه على قلبه معالم الحزن كلها ظهرت على عينه وبتلقائيه حط ايده على مكان الأسم وقبض عليه بوج ع فضل على نفس وضعه ثواني وبعدين ساب ايده بسرعه ومسك اللبس بتاعه لبس وجهز نفسه وبعدين عمل فنجان قهوه قعد على
الكرسي يشرب في هدوء وهو دماغه مش معاه دماغه كانت في الحلم اللي شافه وفي دره اللي محتله تفكيره وعقله 
في شقه بكر ومها
بكر مها انزل انا وتحصليني
مها ايوووه عليك وتسيبني انزل لوحدي استنى انا خلصت خلاص
بكر طيب يلا بقى زهقت من القاعده
مها انا عارفه انت متسربع على ايه هو الفرح في اخر الدنيا ماهو تحت البيت
بكر انتي عارفه انا مبنحبش نستنى كتير
مها انا خلصت خلاص قولي كرم نزل
بكر منعرفش بس ميتهيأليش
بصت مها في المرايه برضا وابتسمت وبعدين بصت لبكر
مها خلصت خلاص ايه رأيك
بكر بإبتسامه قمر طبعا بس قوليلي ايه سر الحلاوه دي كلها انهارده
مها احيه هو انهرده بس انا على طول حلوه
بكر بضحك طبعا على طول حلوه بس انهارده حلوه بزياده
مها يعني قولت نفرج اللي يتخفي اسمها من الدنيا سونه اني لما ببقى عايزه نكون حلوه بنكون حلوه
بكر بضحك يادي سونه اللي عملالك وش في دماغك هي جوزك يا بت عشان تثبتيلها انك حلوه
مها لا بس بنت الصرمه كل ما تشوفني تتعمد تضايقني تخيل اخر مره شوفتها كانت عامله زي عروسه المولد تقوم تقولي عقبال ما اشوفك عروسه المولد زيي بدل ما بكر يطفش منك
بكر طيب وانتي بتسمعي كلامها ما انتي عارفه ان سونه بتحب تضايقك تقومي انتي تسخني وتعرفيها ان كلامها اثر فيكي
مها لا ولا اثر ولا حاجه انا واثقه في روحي يا حبيبي بس قولت نكيدها 
بكر طب يلا يا مجنونه اخلصي خلينا ننزلوا
مها يلا بينا 
بعد وقت بسيط نزل كرم بكل هيبه راح قرب من تربيزه رفاعي و الشباب وبمجرد ما النبطشي بتاع الفرح شافه بدأ يحيه على طريقه الافراح الخاصه 
النبطشي انا اللي بقول يا ولا سيب المايك لأستاذه وأدي العيش لخبازه
ولو كانت الرجوله بالدقن لا كانت الأنوثه بالحقن 
ولو فيك طبع الرجوله هتكسب محبة الناس بسهوله
اما اللي الرجوله مبدأه ديما سيرته الطيبه يا كيرو بتسبقه 
قليل الاصل متعاتبوش 
الصاحب قليل الاصل لا تعتبه ولا تلومه ده قلة الاصل فيه من يومه
بص كرم على عبدالله وابتسم ابتسامه سخريه
النبطشي من حبنا حبيناه صار متعنا متاعه ومن كرهنا كرهناه يحرم علينا إجتماعه
بيقولك اللي ابوه صعيدي ميخافش واحلى تحيه للصاعيده الجدعان اللي مشرفينا
صباحه مسا لاهل القاهره واللي منها يعني المطريه ومعلمين المطريه بنصبح وبنمسي على اهل السيده زينب واللي منها واحلى صباح للعبور ومعلمين العبور بنصبح ونمسي على كل جمعنا السعيد 
المعلم سيد الشرقاوي وأشرف بيه اللي منورنا فوق فوق دماغنا من فوق 
اهم من جمع المال جمع الرجال و اجمل فرحه فرحة انهارده 
بنصبح ونمسي على معلمين المنوفيه وطنطا وتحيه خااااااصه لمعلمين الشرقيه وعمد الشرقيه مش إلي نفس مش إلي دعوه الله الوكيل
لسه بدري ولسه الليل طويل ولسه بدري على بكره واللي ياخد نايبه صبر يكسب وياما في الجراب يا حاوي
بنصبح ونمسي على أهل اسكندريه الجداع اللي منورنا من جليم للمعموره 
و بحررررررري ايووووه ايووووه ايوووه عليكي يا بحري وعلى معلمينك
تحيه طايره حايره للمعلم رفاعي يعني الجزارين يعني الناس اللي قلبها مېت اللي لا پتخاف ولا بتكش
رفع رفاعي ايده بتحيه و إبتسامه بسيطه
النبطشي واحلى تحيه للمعلم كرم الرفاعي يعني الرجوله والجدعنه وعلى الاصل دور
وتحيه للمعلم زكريا الجمال و نجله عبدالله الجمال وسمعني احلى سلاااااام على طول السلام ولا يا ولاااااااا
طلع كرم على المسرح نقط سمير العريس وباركله ورجع نزل بكل هيبه على التربيزه
بكر بصوت واطي مش يلا بقى اطلعي يا مها
مها ايوه ما لسه بدري
بكر يابت الفرح مليان رجاله مش باركتي يا اختي وعملتي نمرتك على سونه يلا اتكلي بقى تعالي عشان اطلعك
مها بضحك ايوووه على دي نبره طب ودين محمد هتولع في روحها مني
بكر بضحك طب يلا اختي كفايه كيد فيها 
راح بكر طلعها هي و نجوى بعد ما باركوا ورجع وقف جنب كرم والشباب
كانوا واقفين يضحكوا مع بعض لحد ما سمعوا شابين من المعزومين في الفرح 
الشاب بصوت واطي هو ده كرم الرفاعي اللي حبيبته سابته
شاب اخر اه هو واللي هناك دول عيله الجمال
احمرت عين كرم پغضب وبرزت كل عروقه بشړ وقبل ما يتحرك خطوه عليهم مسكه بسرعه بكر وهيما اخوه
بكر على فييييين يا صاحبي اهدى
كرم هنربيهم ونعلمهم الادب 
هيما سيبك منهم يا كرم دي
عيال صغيره وبعدين مش عايزين نقلب الفرح لجل عيون سمير
بكر اخوك معاه حق يا كرم بلاش نقلبوا الفرح ونبوظوا فرحه سمير الولا ما صدق
كرم سحب ايده منهم پغضب ومشي
بكر على فين يا صاحبي
كرم محدش يجي ورايا
هيما سيبه يا بكر خليه يمشي بدل ما يصور قتيل
احمد يبقى نستنوا العيال دول ونربوهم
هيما ياولا اتلم ما قولنا خلاص سيبك منهم كفيانا عراك كل شويه مع خلق الله عايزين الحدوته دي تخلص بقى مش معقول كده دماااااغنا
محمد على حق يا هيما
هيما بضحك اتنيل
حسن حموووو حموووو
احمد ومحمد في صوت واحد نعممم
حسن بضحك اي واحد فيكم يجي مش ناقصه لغبطه
وصل كرم على البحر قعد على السور ورفع راسه للسما وهو بياخد نفس طووووويل كله ۏجع
كرم انتي السبب في كل اللي انا فيه انتي السبب يا دره حط ايده على الوشم وعصر بأيده مكانه 
في مطار دبي
بصت دره على بناتها لقتهم
ساندين راسهم على التربيزه بتعب شديد وغرقانين في النوم

تاهت في دوامه تفكيرها كانت حاسه انها حقيقي في دوامه وپتغرق شويه تفكر في اللي بناتها قالوه وخوفهم من مواجهه عيلتها ليها ورد فعلهم لما ما يشوفها بعد كل السنين دي وشويه تفكر لو فعلا رد فعل اهلها كان قاسې ومتقبلوش وجودها هتعمل ايه وتروح فين ببناتها وشويه تفكر في كلام دعاء عن علاقه الناس بأهلها بعد سفرها وعن كرم اللي حالف ېموتها بأيده لو لمحها مكانتش عارفه تعمل ايه الحمل زاد يمكن هي مش خاېفه من كرم وعارفه ان اي كلام كان بيقوله مجرد كلام خارج منه وقت عصبيه مكانتش حامله همه ولا في دماغها كل اللي كان شاغلها وبتتمنى انه يعدي على خير هو لقائها بأهلها ومسامحتهم ليها ولو ده حصل لا هتقلق من كرم ولا من اي حد كفايه انها تطمن بوجودها معاهم وحمايتهم ليها هي وبناتها وفي وسط ما هي ڠرقانه في تفكيرها وهي بتبص لبناتها النايمين خانتها دمعه سريعه وڠصب عنها خدها عقلها في تكملة رحله الۏجع
فلاش باااااااك 
بعد ما راحت دره وراء يوسف واتفاجئت انه راح لدينا وسمعت كل حاجه بينهم انسحبت بهدوء بعد ما يوسف خد دينا وطلعوا على