رواية جديدة

خليهم فنجانين
مها هواااا احلي فنجان لاحلي دره
كرم يا مثبت العقل والله انا مشوفت جنان زي ده في ثانيه يقلبوا علي بعض وفي ثانيه يبقوا حبايب
مها احيه وانت مالك انا وصحبتي حرين اطلع منها بدل ما نحطوك في راسنا وانت عارف الداخل بينا خارج
كرم بتريقه طب ياختي اشبعوا ببعض انتي وصحبتك انما بناتي متجوش جنبهم
دارين كيرو كيرو بالمره والنبي وانت بتروقهم كده قول لمامي توافق ننزل نشوف فساتين الخطوبه بتاعتي هيما كل شويه يقولي مش هنلحق

كرم وهي مش موافقه ليه ان شاء الله
دره احيه عليكم اتفقتوا عليا انا قولت بكره مش قادره انزل انهارده
كرم ليه وراكي ايه يا شبر ونص
دره بضحك ورانا قهوه وكيك
ضحكت مها وضربوا ايدهم بالكف
كرم امشي يا بت انتي وهي من قدامي بدل ما نضربكم
دارين اجهزي انتي ودانه وديما انا هناخدكم بليل وهنعرف هيما ومحمد يجهزوا عشان يشوفواوالبدل بتاعتهم
دره لا والله قادر الوقت تنزل ما انت صاحي من بدري وسهران
كرم بغيظ ملكيش فيه وخليكي بقي قاعده مع صاحبتك وابقي روحي انتي وهي بالبچامات اللي عليكم
دره بصت بطرف عينها لمها لا خلاص انا جايه معاك يا روحي
مها شوفي البت معاهم معاهم عليهم عليهم
كرم بحب ضمھا وضم ديما هتلف تلف وترجعلي هي عارفه مكانها
مها انطقي اللي تنشكي قوليله مكاني مع صاحبتي
دره بضحك لا وسع كده دي حبيبتي منقدرش نزعلها بردوا
ضمتها مها وضحكت وفضل كرم والبنات يضحكوا عليهم 
كرم اجهزوا بليل ننزل كده نتمشي ونشوف اللي ناقص البنات والشباب 
مها ماشي
كرم حضريلي بقي حاجه سريعه ناكلها يا دره عشان ننزل نشوف الشغل هنغير ونطلع
ديما لا انا اللي هحضرلك
دانه لا انا
دارين انتي بتعرفي تعملي بيضه انا اللي هنروح
كرم بحب بناتي حبايبي ربنا يخليكم ليا وبص
لدره ومها طلعلهم لسانه
مها شوفي الراجل يا اختي
دره بسخريه خليهم ينفعوك 
كرم بضحك هيموتوا مننا
في المساء خلصوا لف واتصل كرم علي عبدالله وبكر قالهم يجيلوا الكل عشان يتعشوا سوا كلهم وقالهم علي المكان
وفعلا راحوا اتعشوا واتبسطوا و الكل كان فرحان بخطوبه دارين ودانه وهيما ومحمد اللي فاضل عليها اسبوعين 
كل اتنين او تلاته كانوا ماسكين بعض ونازلين كلام ورغي 
قربت دره من كرم بهمس وهي قلبها بيدق 
دره هو انت ليه قولتلهم يجوا يتعشوا معانا
كرم رفع حاجبه وبصلها بنقولك ايه قعدتك مع مها كتير طيرت اخر ذره عقل فيكي ده دماغها علي قدها انتي يابت مش قولتيلي اتصل عليهم عشان بقالنا كتير متجمعناش بره
دره بإبتسامه حب قولت يا عمري
كرم طب امال ايه الجنان ابتدأ
دره لا بس عايزه نعترفلك بسر
كرم قولي ياستي بوظتيلي كام تيشرت لحد الوقت في الغسيل ولا ضيعتيلي كام فردة شراب الاسبوع ده
دره ايه خساره فيا دول كلهم كام تيشرت علي كام شراب
كرم بضحك لا مش خساره فيكي فداكي الدولاب كله قولي السر
دره انت عارف انك قبل ما تكلمهم هما اصلا كانوا بيجهزوا وعارفين اننا هنتعشي مع بعض
كرم ليه بينجموا 
دره انت بتتريق
كرم بضحك طب نقولك ايه يعني هيعرفوا ازاي
دره انا اللي كنت متفقه معاهم
كرم طب وخلتيني نكلمهم ليه
دره عشان متحسش بحاجه
كرم ايوه حاجه ايه دي بقي اللي محسش بيها شايف كده حوارات غريبه تتكلموا ولما تشوفوني تسكتوا في ايه مقلب جديد
دره بحب لا بييي جديد
الكلمه نزلت علي ودن كرم صډمته وفضلت علي ابتسامته وبيحاول يستوعب اللي سمعه وبيحاول يكدب ودانه هز راسه بمعني قولتي ايه
كرم ايه اللي جديد
دره بحب مسكت كفه حطته علي بطنها وبعدين بصت في الساعه ورجعت بصتله الوقت اقدر اقولك ان عمره شهرين وسبع ايام و ساعه و دقيقه
الابتسامه اختفت وبصلها پصدمه
كرم دره انتي بتقولي ايه انا انا مش فاهم ايه ده اللي عمره شهرين وسبع ايام و ساعه
دره بحب اه نسيت اقولك اننا متجوزين من شهرين و 8 ايام 
وكمان البريود خلصت قبل فرحنا بكام يوم وبما انك دكتور عارف ان انسب وقت للحمل الوقت اللي احنا اتجوزنا فيه وبكده الحمل حصل بعد جوازنا بيوم واحد احيه عليا كان ليا نظره بردوا ان اللي يقضي معايا اول ليله المعلم كرم
كرم مكانش مستوعب حط ايده علي دماغه ومسح علي وشه ورجع بصلها تاني دره انتي مستوعبه بتقولي ايه يا بنت قلبي اكيد ده مش مقلب صح
دره بحب والله لو مضايق نرجعه ولا انت مش عايز ولاد مني واكتفيت بيا زي ما قولت لنوجا ومها
كرم بسعاده يعني انتي حامل يا دره
دره بحب هزت راسها حامل والله حامل بس
كرم بس ايه
دره انا قبل ما نعرف من نوجا ومها الكلام ده مكانش في دماغي اصلا اني ارفض الحمل منك لان ده حقك ولما عرفت منهم دعيت ربنا الحمل يحصل بجد اتأكدت من فتره بس قولت استني تاني اطمن اكتر واقدر افرحك ولما اطمنت عرفت الكل وحبينا نعملهالك مفجأه بس المفجأه الاكبر يا كرم انا كنت ناويه نبقي ام لاربع عيال وخلاص لكن مش خمسه يظهر كده ان التوينز عندي نسبتهم اعلي
بصلها كرم پصدمه وبعدين بدأ يضحك وهو عينه مدمعه
كرم دره انتي حامل في توينز
دره بضحك تخيل ان انا يبقي عندي خمس عيال
الكل كان مركز معاهم وميتين من الضحك عشان الاتنين نسيوا نفسهم وكانهم قاعدين لوحدهم
كرم يعني توينز توينز زي دانه وديما
دره بضحك اه زي دانه وديما بس يعني الدكتوره بتقول ان احتمال كبير الچنس يكون مختلف وده ممكن يبان اكتر الشهر الجاي يعني هيبقي عندنا توينز بنات وتوينز ولاد وهتبقي ابو الولاد
كرم احييييييه سحبها من علي الكرسي وشالها قدام الكل وضمھا وفضل يلف بيها بهدوء
صفر الشباب وفضلوا يباركوله وهو ولا هنا
كرم بهمس وشرف امك بلبله قولي اني مش بحلم اصل كده يبقي طمع
دره وهتلاقي فين احن من ربنا عشان تطمع فيه يا أحلي حاجه في عمري 
كرم حامل بجد حامل
دره بضحك والمصحف حامل وربنا حامل ودين محمد حاااامل
نبيله بضحك اتاريك مدكن يا ولا طول الفتره دي
كرم بهمس لدره احيه بلبله هتطلعني مسرح 
ضحكت دره ونزلت علي الارض وهي مېته من الضحك
كرم وبتجري انهارده انتي والهبله دي ده انتوا يومكم مهبب معايا
قرب منه بكر والشباب فرحه رفاعي كانت تساوي كنوز الدنيا ودي اكتر حاجه كان نفسه فيها احفاده من ابنه الكبير اللي هيشيله اسمه
زكريا فرحته كانت نفس فرحه رفاعي نبيله

ونجوي طايرين من السعاده مها ودعاء وسونه كانوا فرحانين من قلبهم لكرم اكتر من دره كمان لان دول اول فرحته 
باركوله كلهم وفرحوا لفرحته واليوم انتهي نهايه سعيده غير متوقعه 
بعد مرور سنه 
صحي كرم من النوم علي صوت عياط
كرم ايوووووه عالزن ياولا في ايه انت وهو ابوس دراع اللي خلفكم ھنموت وننام شويه يا دررررره
دره دخلت وهي معاها رضعتين خيييير نعمممم نايم انت ومرتاح وكمان بتعلي صوتك
بصلها كرم پصدمه وسكت 
دره عايز مني ايه انت وولادك وبعدين راحت معيطه والله هسيبلكم البيت واطفش انا تعبت
كرم بإبتسامه قام بسرعه ضمھا بحب وطبطب عليها وخد منها الببرونه
طيب خلاص متعيطيش انا عارف ولاد الكلب دول مش بيفصلوا وتعبوكي
دره ھنموت وننام يا كرم 
كرم بس كده قرب من الحامل بتاعهم حط كل واحد فيهم في حامل ونزل حافي علي السلم بالاكل بتاعهم ودخل علي بيت امه كانت قاعده هي ومها
نجوي بضحك احييه انت نازل حافي كده ليه
مها بضحك ده اللي فرق معاكي مش فارق معاكي وهو نازل شايل العيال كأنه ماسكك شنطتين انت عامل فيهم كده ليه يا كرم
كرم هو انتي مش عمتهم
مها حصل حبايبي عمتهم
كرم وانتي مش ستهم
نجوي بضحك حصل دول نور عيني
كرم بااااس خدي بقي ياختي حبايب عمتهم وانتي خدي نور عين ستهم وسيبونا ننام شويه يا خلق ولاد الكلب مبيفصلوش شغالين بالثانيه زي عقارب الساعه 
نجوي بضحك قلب امك يا ابني سيبهم وانا هناكلهم و هنيمهم
مها انال دره تعمل ايه يا عيني من يوم ما اتولدوا وهما مبيبطلوش زن
كرم دره دره فاضلها يوم واحد ده لو كملته وهتختفي هنطلع نلاقي هدومها عالسرير وهي مش موجوده بنقولكم ايه العيال دي متطلعش فوق تاني ابعتوا بقي هاتوا بلبله ودعاء والبنات ولموا حريم الشارع كلهم انا عايز عيالي تكبر من ايد لايد عايز حريم الشارع كلهم يربوهم وسببولي البت الغلبانه اللي فوق دي
نجوي طب اطلع يلا ناملك شويه ونيمها هي كمان
كرم سلام عليكم
مها بضحك كرم
كرم نعمممممم
مها مين فيهم كنان ومين فيهم كيان
كرم بصلها بتفكير وبعدين رجع اتعصب عليها تاني وانا عارف يا اختي ده انا نسيت اسمي هنفتكر مين فيهم كنان ومين كيان
نجوي احيه عالاسامي اللي مش عارفه نحفظها
مها بضحك ماهي دره اللي اختارت وقالت زي ما البنات علي حرفها الولاد يبقوا علي حرف كرم
كرم احيه دي العيال سكتت اه يا ولاد الكلب ياللي پتموتوا في رغي الحريم 
طلع كرم وسابهم دخل لقي دره نايمه وراحه في سابع نومه
كرم حقك والله ده انتي عايزه تمثال 
رمي نفسه علي السرير جمبها ونااااااااام نوم عميق 
خلال السنه دي وقبل ولاده دره
دانه ودارين كانوا انخطبوا فعلا
سماح حملت في البدايه كانت مضايقه عشان الدراسه بس بعد كده لما شافت فرحة حسن فرحت
سونه وعمرو
والولاد حياتهم كانت مستقره جدا وسعيده 
هيما ودارين قرروا بتجوزوا في الاجازه وبعد ولاده دره والمفروض انهم خلاص بيجهزوا نفسهم للجواز محمد كان هيتجنن هو كمان عشان بتجوز معاهم هو ودانه زي ما اتخطبوا سوا 
وبعد زن من محمد وزن من دانه علي كرم ودره
دره وافقت لكن فضل كرم يحاول يقنع دانه ترفض ولما فقد الامل ولقاها متمسكه بكلامها وهتتجنن وتتجوز هي كمان وافق
وقررت ديما انها تنزل تعيش مع نبيله في الوقت ده هي قربت منها جدا واحلي اوقات بتقضيها معاها هي وجدها اوقات كتير كانت بتروح لدره وتبات معاها هي وكرم واخواتها اللي اتعلقت بيهم اوي لكن وقتها الاجمل كانت بتقضيه مع بلبله اللي كانت بتستمتع بحكايتها بتاعت زمان
مكانش في اي اخبار عن يوسف لا حلوه ولا وحشه كل اللي كانوا يعرفوا عنه انه بدأ من جديد بالمبلغ اللي دره بعتته و حاول يبعتلهم مع چاك كتير انهم يسامحوا البنات سمعوا كلام كرم وردوا عليهم اتكلموا معاه يمكن علاقتهم متصلحتش لكن علي الاقل في سؤال كل فتره
واكتفي يوسف بمكالمتهم اللي بتحصل كل فتره لكن قرر يسيبهم بعيد عنه بعد ما كان سبب في آذي كتير ليهم وسابهم يعيشوا حياتهم بهدوء يليق بيهم واكتفي بالمباركه ليهم من بعيد في اي مناسبه تخصهم
اما دينا فا اتعرفت علي شخص جديد اتجوزته وبعد فتره علمها القماړ والاتنين حياتهم كانت شرب وقمار لحد ما خسړت كل