عطر الحب سيليا البحيري

باهتة متعلقة من السقف وبتترج خفيف.
صوت خطوات بعيد بيتسمع كل شوية ويختفي والريح داخلة من شباك صغير عالي.
عهد قاعدة ع الأرض جنب الحيطة وشها شاحب بس عنيها فيها تحدي.
جنبها صوفيا وعلا قاعدين لزقين في بعض كأنهم جسد واحد حضنين بعض من الخۏف.
صوفيا بصوت بيرتعش بالعافية مسيطرة ع نفسها
أنا ماكنتش متخيلة ده يحصل ولا حتى في أبشع كوابيسي.
علا بتحاول تبقى قوية رغم القلق
اسمعوا مش وقت اڼهيار. لو بان عليهم إننا ضعاف هيسيطروا أكتر. لازم نفضل ماسكين نفسنا.
عهد بتهز راسها مخبية رعشة إيدها
علا معاها حق بس أنا واثقة إن بابا خصوصا إياد هييجوا. إياد مستحيل يسيبني هنا.
صوفيا ببص لها والدموع مالية عينيها
إياد بيحبك بجد أنا بشوف ده في كل مرة عينه بتقع عليك. وخالو مراد لو اضطر يهد جبال عشان يلاقيكي هيعملها.
علا بتضحك خفيف رغم خۏفها
وأنا كمان مش هسيبكم. لو فاكرين هيعرفوا يفرقونا يبقوا بيحلموا. إحنا تيم واحد.
عهد رفعت راسها وبصت للبنات
إحنا دلوقتي إخوات. لو خرجنا هنخرج سوا. ولو بتسكت لحظة وتبلع غصتها حتى لو حصل أي حاجة هنكون مع بعض.
صوفيا ممسكة إيد عهد بقوة
لأ! هنخرج ونضحك تاني ونرجع نغني ونزعق في البيت زي العادة. مش هقبل غير بكده.
علا بتبصلهم بصرامة وعينيها بتدمع
يبقى نتمسك بده. نستنى اللحظة اللي نقدر نتحرك فيها. ثريا وقاسم فاكرين نفسهم كسبوا بس النهاية مش ليهم.
سكتوا لحظة مفيش غير صوت أنفاسهم المتقطعة.
عهد همست وهي شايلة عينيها للسقف
إياد بابا أرجوكوا تعالوا بسرعة.
صوفيا حطت راسها على كتف عهد وعلا حضنتهم هما الاتنين.
تلاتتهم متكتفين ضد الخۏف بيحاولوا يحولوا الړعب لقوة.
جوا المخبأ بعد لحظات سكوت للبنات
الأوضة زي ما هي ضلمة إلا من نور أصفر باهت من لمبة مكسرة والجدران الرطبة مخلية الجو كئيب أكتر.
عهد مسنودة ع الحيطة عينيها نص مقفولة من التعب.
علا مركزة تحاول تسمع أي صوت ورا الباب.
أما صوفيا غرقانة في سرحان غريب.
صوفيا بهمس كأنها بتكلم نفسها
آدم
علا مستغربة وببص لها
آدم مين آدم
صوفيا اتلخبطت وحاولت تبرر
آه هو شريك بابا الجديد في لندن. شاب متكبر مستفز مغرور للآخر. اتقابلنا كذا مرة وبصراحة مش طايقاه.
عهد بتعب وفضول
طب ليه افتكرتيه دلوقتي إحنا في کاړثة وهو آخر واحد ممكن يخطر على بالك.
صوفيا بتضغط صوابعها على جبينها كأنها بتحاول تمسك ذكرى
مش عارفة فجأة حسيت إن اسمه مش غريب عليا. كأني أعرفه من زمان من قبل ما يبقى آدم المتكبر اللي أعرفه دلوقتي.
علا بتهز راسها
يمكن دماغك الباطن بيحاول يلهيك عن الخۏف ممكن.
صوفيا بصوت هادي كأنها بتحكي مع نفسها أكتر من الباقي
لأ مش كده بس. في حاجة أعمق. أول مرة سمعت اسمه حسيت بحاجة غريبة لا ارتياح ولا خوف كأنه صدى بعيد في دماغي. ما اهتمتش وقتها. دلوقتي وأنا قاعدة هنا فجأة وشه بيعدي في دماغي. مش وشه دلوقتي لأ وش طفل.
عهد مندهشة
طفل!
صوفيا بتبتسم ابتسامة صغيرة حزينة
أيوه طفل صغير ملامحه حزينة بيعيط. وأنا كنت لسه صغيرة أوي. بالكاد كنت بعرف أتكلم. بس في صورة كده في دماغي إني حاولت أواسيه. غريب نسيت الموضوع خالص وفجأة رجع كأنه حلم قديم.
علا بصاها بشفقة
يمكن خيال يا صوفيا الواحد لما يتوتر بيتلخبط عنده الماضي بالحاضر.
صوفيا بتهز راسها بإصرار خفيف
يمكن بس الإحساس قوي أوي. لو كان هو فعلا يبقى القدر عجيب بطريقة تخوف. يعني أقابله تاني بعد سنين وأنا مش عارفة مين هو
عهد بصوت ضعيف لكن حنون
يمكن مش صدفة يا صوفيا. يمكن ربنا بيرتب حاجات إحنا مش فاهمينها دلوقتي.
صوفيا تنهدت وشدت على إيد عهد وعلا
يمكن بس دلوقتي كل اللي عايزاه إننا نخرج من هنا بخير. آدم أو غيره كله مش مهم دلوقتي.
علا بحزم
بالظبط. مش وقت نفكر غير في إننا نصمد.
عهد بهمس وهي مغمضة عينيها شوية
بس أنا واثقة إن اللي بيحبونا دلوقتي بيقلبوا الدنيا عشاننا. سواء إياد أو بابا أو حتى آدم اللي إنت مش طايقاه يا صوفيا.
صوفيا بتضحك بخفة رغم القلق
آدم ده لو جه بنفسه أول حاجة هعملها إني أزعق في وشه. وبعدها يمكن أشكره.
ضحكت عهد وعلا بخفوت رغم إن أعصابهم تعبانة.
المشهد اتجمد عليهم وهما متكاتفين وصوفيا لسه بتدور في دماغها الذكرى الغامضة عن آدم زي طيف قديم ناقص يتكشف.
البنات التلاتة متكومين في ركن الأوضة الجو خانق والقلق باين في العيون.
عهد كانت سارحة بس فجأة تنهدت وقالت بصوت فيه غصة
عهد
عارفين إيه اللي قاهرني أكتر من إننا محبوسين هنا إن البومة ثريا هي السبب. مش قادرة أصدق إن وصلت تعمل كده.
صوفيا رافعه حواجبها بدهشة
ثريا! إزاي يعني قصدك مرات خالو إيهاب اللي كانت لابسة وش الغلبانة طول الوقت
علا بعصبية وهي مقفلة إيدها
أنا من أول يوم شفتها ما دخلتش قلبي. ست كلها سم. كنت حاسة إنها مخبية حاجة بس ما توقعتش توصل للدرجة دي.
عهد بصوت مليان ۏجع
إنتي ما تعرفيش يا صوفيا ثريا دي مش مننا ولا هتبقى مننا. دي بنت واحدة اسمها شهيرة كانت خدامة عند جدو عادل وتيتة ليلى. الست دي حاولت تدمر العيلة كلها لدرجة إنها حاولت تغوي جدو عادل بنفسه.
صوفيا منصدمه عينيها وسعت
إيه!! جدو! مستحييييل!
عهد بتهز راسها
آه كانت حقودة بطريقة محدش يتخيلها. ولما ما نجحتش قضت عمرها كله تزرع الكره في قلب بنتها ثريا. ودي كبرت بنفس الحقد وجاية دلوقتي ټنتقم مننا كلنا.
علا باحتقار
أهو ده يفسر كل حاجة الغل اللي مالي عنيها والغيرة اللي ما بتخلصش. ست ما عاشتش غير عشان الخړاب.
صوفيا متوترة وهي بتتنفس بسرعة
دلوقتي فهمت ليه خالو إيهاب كان بيبصلها بعيون كلها كره. بس ليه اتجوزها أصلا
عهد بهدوء وصوتها واطي
عشان شفق عليها. ماما قالتلي إن بابا إيهاب وقتها حس إنها يتيمة ومکسورة بعد مۏت أمها شهيرة فافتكر إنه بيعمل خير. بس الحقيقة إنه جاب التعب والشړ برجليه لبيتنا.
علا بسخرية
شفتوا نتيجة الطيبة الزيادة هانم ثريا دلوقتي بتبيع بنات العيلة للكلاب.
صوفيا مرتعشة من الڠضب وبصوت حاد
والنبي يا عهد لو طلعنا من هنا بخير ثريا دي هتشوف مني وش ما شافتوش قبل كده. أنا كنت ساكتة وقلت يمكن مظلومة يمكن misunderstood زي ما بيقولوا لكن بعد اللي عملته لأ. خلص. دي خېانة وسفالة ما تتغفرش.
عهد عنيها دمعت من الغيظ
وإحنا مش هنسيبها. بابا وإياد وسليم كلهم مش هيسكتوا على حقنا.
علا بحزم
بس قبل ما نستنى منهم أي حاجة لازم إحنا جوة نفسنا نوعد إننا مش هنكون ضحاېا. ثريا وقاسم فاكرين إنهم كسرونا لأ. لو ما عرفناش نهرب هنقاوم لآخر نفس.
البنات بصوا لبعض بنظرات كلها قوة رغم الخۏف.
الأوضة المظلمة ما بقتش ساكتة اتملت بوعود صامتة بالاڼتقام والصمود.
بعد كام ساعة
الأوضة مظلمة مفيهاش غير لمبة صفرا صغيرة متعلقة في السقف.
صوت خطوات بيقرب والباب الحديد بيصر وهو بيتفتح ويدخل قاسم. لابس بدلة غامقة كأنه داخل اجتماع شغل بس عنيه مولعة جنون.
في إيده فايل أسود يطلع منه ورقة مطبوعة ومتنية كويس.
قاسم بصوت بارد
مساء الخير يا أميرات أو يمكن أقول عرايس المستقبل. جبتلكوا هدية صغيرة عهد دي ليكي مخصوص.
يمد الورقة ناحيتها. عهد تبصله باحتقار وما تمدش إيدها.
عهد ببرود وسخرية
إيه ده وصلة كهربا جديدة ولا ورقة عفو عن جرائمك
قاسم يبتسم بخبث
دي عقد جواز عرفي. هنكتب اسمك جمبي وتبقي مراتي رسمي. ودي أحلى نهاية للعبة بتاعتك.
علا تقهقه بسخرية
يا نهار إسود! هو إنت فاكر نفسك فارس الأحلام إنت حتى ما توصلش لمستوى كابوس رخيص.
صوفيا بعصبية عنيها مولعة
جواز إيه يا مريض! متخيل إن عهد أو أي واحدة عاقلة ممكن تربط نفسها بواحد زيك عيب تقول الكلمة دي أساسا.
قاسم يتجاهلهم وينحني ناحية عهد
إمضي نختصر وقت. أبوكي مراد ولا خطيبك إياد مش هيعرفوا ينقذوكي. وصدقيني الجواز ده أرحملك من اختيارات تانية.
عهد تبتسم بسخرية وترفع نظرها فيه
عارف مشكلتك إيه يا قاسم فاكر إن الفلوس والټهديد يخلوك راجل. بس الحقيقة إنت أوطى من إنك تتسمى راجل أصلا.
قاسم يتجمد لحظة وبعدين ملامحه تتقلب ڠضب وعروقه تنفر.
قاسم بصوت حاد
خلي بالك أنا أقدر أدمرك في ثانية.
عهد تخطو خطوة لقدام تبصله في عينه
إنت حاولت تدمر عيلتي كلها بس مش هتنجح. حتى لو موتني هنا هتفضل مجرد وصمة تحت رجلين بابا وإياد وسليم. فاكر نفسك إيه فارس زمانك لا إنت مهزلة.
علا بحدة وهي تشاور بإيدها
قولتلك من الأول يا قاسم عهد مش ناقصاها. روح دور على واحدة على قدك لو لقيت أصلا.
صوفيا تضحك بسخرية باردة
بصراحة أنا شايفة إنك محتاج دكتور نفسي قبل ما تفكر في أي جواز. وحتى ساعتها مستحيل تلاقي واحدة إلا لو مدفوع تمنها.
قاسم يخبط إيده على الترابيزة المعدنية پعنف الورقة تتبعتر وتكاد تتقطع.
يتنفس بصعوبة من الغيظ.
قاسم بصوت مخڼوق بالڠضب
إنتوا هتشوفوا أنا أقدر أعمل إيه. عهد فاكرة كلامي. لو مش دلوقتي قريب جدا هتبقي مراتي ڠصب عن الكل.
عهد رافعه راسها باحتقار بصوت ثابت
اسمع يا قاسم لو كنت آخر راجل في الدنيا ولو كان آخر نفس فيها عمري ما أكون ليك. وده وعد.
علا تضحك بسخرية
شوف حتى الوعود هنا ضدك. إنت رسمي أفشل خاطب في التاريخ.
صوفيا ترفع حواجبها
Congratulations loser.
قاسم يزمجر زي الحيوان الجريح يلم الورقة بسرعة ويخرج وهو يخبط الباب پعنف.
البنات يبصول بعض بنظرات كلها قوة رغم الخۏف والاشمئزاز لسه باين على وشوشهم.
في القاهرة جوة جناح آدم الفخم في الفندق بعد ما وصل بساعات قليلة.
الأوضة مليانة رجالته واقفين صف واحد قدامه برهبة.
آدم واقف عند الإزاز الكبير اللي بيطل على القاهرة إيديه ورا ضهره ملامحه جامدة زي الحجر بس عنيه مولعة ڼار كأنها ھتحرق المكان.
آدم بصوت هادي بس مرعب
اتخطفت صوفيا.
يسكت ثواني وبعدين يلف فجأة صوته يجلجل زي الصڤعة
آدم
صوفيا ومعاها بنتين. إنتوا كنتوا هناك بتراقبوا وشفتوا كل حاجة وما تحركتوش! عاجزين حتى تحموا بنت!
يضرب بكفه على الترابيزة الإزاز الترابيزة تتشرخ من قوة الضړبة.
الرجالة يرتعشوا ولا واحد فيهم قادر يرفع عينه.
آدم بيمشي بخطوات تقيلة صوته زي الرعد
قدامكم ساعة ساعة واحدة بس تجيبولي مكانهم. اسم الشارع الباب حتى الحجر اللي مرمي قدام المخبأ. كل تفصيلة. لو الساعة عدت وما جبتوش خبر ورحمة أمي هتتمنوا المۏت قبل ما أشوف وشوشكم تاني.
يبص في عيونهم واحد واحد نظرته تخترق الروح.
آدم بهدوء أبرد من صوته العالي
أنا مش بهدد أنا بوعد.
أحد الرجالة مړعوپ صوته بيرتعش
حاضر حاضر يا بيه. هنقسم نفسنا فرق. هنقلب القاهرة حجر حجر. مش هتعدي نص ساعة غير ونبعتلك أول خيط.
آدم يهز راسه بابتسامة باردة مخيفة
كويس عشان لو غلطتوا تاني أنا اللي هقلبكم إنتوا رماد.
الراجل يرجع خطوتين لورا وشه باين عليه إنه هيقع من الخۏف.
آدم يرجع يقف عند الإزاز يحط إيديه في جيوبه ويهمس بصوت واطي بس مسمۏم
آدم
استحملي يا صوفيا أنا جاي. واللي